Óńirlerde koronavirýs juqtyrǵandar týraly sońǵy aqparat jariialandy, dep habarlaidy "Ult aqparat" Jedel shtabqa silteme jasap.
Shymkent qalasynda virýs juqtyrǵan 1966 jylǵy aiel men 1984 jylǵy er azamat ózderine deiin virýsty juqtyrǵan adamdarmen qarym-qatynasta bolǵan, karantindik statsionarǵa jatqyzylyp, zerthanalyq synama alynǵan.
Atyraý oblysynda COVID-19 virýsyn juqtyrǵandardyń úsheýi 1993, 1987, 1973 jylǵy er adamdar, bireýi 1966 jylǵy áiel adam. Olar kornavirýs infektsiiasyn juqtyrǵan adamdarmen bailanysta bolǵany úshin karantindik statsionarǵa jatqyzylǵan. Olardan zerthanalyq synamalar alynyp, PTR diagnostikalyq zertteý nátijeleri boiynsha COVID-19 diagnozy qoiyldy.
Batys Qazaqstan oblysynda koronavirýs infektsiiasy tabylǵan adamdardyń barlyǵy da Resei Federatsiiasynda vahta ádisimen jumys isteitin azamattar. Olardyń 5-eýi Batys Qazaqstan oblysynyń, 2-eýi Túrkistan jáne Jambyl oblysynyń turǵyndary.
Pavlodar oblysynda COVID-19 Ekibastuz qalasynyń alty turǵynynan anyqtaldy, atap aitqanda, 1960, 1962, 1966, 1977, 1987, 1988 jylǵy er adamdar.
Sondai-aq, koronavirýs infektsiiasy Pavlodar qalasynyń úsh turǵynynan tabyldy, olar 1970 jyly týylǵan er adam jáne 1963, 1991 jyldary týylǵan áiel adamdar jáne Aqsý qalasynda turatyn 1992 jylǵy áiel.
10 adamnyń 9-y koronovirýs infektsiiasyn juqtyrǵan adammen yqtimal qarym-qatynasta bolǵan. Pavlodardyń 1963 jylǵy turǵyny aldyn ala pnevmoniia diagnozymen túsken, 24.04.2020 j. onyń koronavirýsty juqtyrǵany belgili boldy.
Shyǵys Qazaqstan oblysynda koronavirýs infektsiiasy 1965 jylǵy er adamda anyqtaldy. Glýbokoe aýdanynyń turǵyny 22 sáýirde Resei Federatsiiasynan oralǵan. Bir kúnnen keiin aýrýdyń alǵashqy belgileri, dene qyzýynyń kóterilýi men álsizdik paida bolǵan. Dereý provizorlyq statsionarǵa oqshaýlanyp, PTR ádisimen COVID-19-ǵa taldaý alyndy. Osylaisha, onyń koronavirýsty juqtyrǵany anyqtaldy.
