Almaty qalalyq qoǵamdyq densaýlyq saqtaý basqarmasynyń bastyǵy Nariman Tabynbaev onlain brifing barysynda shaharda koronavirýstan bir naýqasty emdeý úshin qansha qarjy jumsalatynyn aitty, dep habarlaidy "Ult aqparat".
«Jańa jylǵa deiin kovidti naýqasty emdeý úshin ár kúnniń óz baǵasy bolatyn. Qazirgi ýaqytta Qoǵamdyq densaýlyq saqtaý basqarmasy tarifterdi anyqtady. Koronavirýs infektsiiasynyń aýyr túrimen aýyratyn bir naýqasty emdeýge 930 myń teńgeden astam qarajat bólinedi. Aýyrlyǵy ortasha patsientter úshin - shamamen 450 myń teńge. Árbir jaǵdai belgilengen tariftik stavkalar boiynsha qaralady. Búgingi tańda QR Densaýlyq saqtaý ministrligi bólgen qarajat koronavirýs infektsiiasymen aýyratyn naýqastarǵa tolyqtai jetedi. Oǵan dári-dármekter, dárigerlerdiń, medbikelerdiń jalaqysy jáne barlyq qurylǵylardyń jabdyqtary kiredi», - dedi Nariman Tabynbaev.
Aita ketý kerek, 10 naýryzda Almaty qalasy koronavirýs boiynsha «qyzyl» aimaqqa endi. Qalanyń Bas memlekettik sanitarlyq dárigeri Jandarbek Bekshin jańa qaýly shyǵardy. Oǵan sáikes karantin rejimi kúsheitildi.
