Japoniianyń tórt prefektýrasy koronavirýstyń órshýine bailanysty tótenshe jaǵdai jariialaidy, dep habarlaidy "Ult aqparat" Úkimet janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanalyna silteme jasap.
Buǵan deiin Tokiodaǵy tótenshe jaǵdai rejimi 31 tamyzǵa deiin uzartylǵan bolatyn. Elde infektsiia taralý kórsetkishi Olimpiada oiyndary bastalǵan soń kúrt ósti.
Parijde vaktsinatsiia men sanitariialyq ótkizý qujattaryna qarsy demonstratsiiaǵa qatysýshylarǵa qarsy kózden jas aǵyzatyn gaz qoldanyldy. Tártip saqshylary jinalǵandarǵa tosqaýyl qoiýǵa tyrysty, ishinara qaqtyǵystar boldy, politsiia sherýdiń arty tártipsizdikterge ulasýy múmkin dep qaýiptenip otyr.
Livandaǵy meiramhanalar men jaǵajailar 2 tamyzdan bastap tek vaktsinatsiialanǵan adamdardy qabyldaidy. Jańa erejeler 16 jastan asqan barlyq azamattarǵa qoldanylady. Sondai-aq, 2 tamyzdan bastap týrizm salasynyń barlyq qyzmetkerleri jumysqa tek QR-kod kórsetý arqyly shyǵa alady.
