Túrkiia men Izrailde karantindik shekteý sharalary jeńildedi, dep habarlaidy "Ult aqparat" Úkimet janyndaǵy Qazaqstanda koronavirýstyń taralýyna jol bermeý jónindegi VAK jumysy týraly telegram kanalǵa silteme jasap.
Túrkiiada karantindik sharalar jeńildetildi. El Prezident Rejep Taiyp Erdoǵan 1 maýsymnan bastap eldegi komendanttyq saǵattyń qysqarǵanyn jariialady. Dámhanalar men meiramhanalar kelýshilerdi búginnen bastap qabyldaidy.
Memleket basshysynyń aitýynsha, komendanttyq saǵat jumys jáne senbi kúnderi saǵat 22:00-den 05:00-ge deiin, jeksenbide táýlik boiy kúshinde bolady.
Frantsiiada KVI qarsy vaktsinatsiialaý sharalaryna qatysty engizilgen qosymsha shekteýler alynyp tastaldy.
Dúisenbiden bastap Frantsiianyń kez-kelgen eresek turǵyny qosymsha shekteýsiz ekpe alýǵa jazyla alady.
Resmi túrde Frantsiiada kez-kelgen dárihanada ekpe saldyrýǵa bolady.
Shilde aiyna qarai Eýropalyq odaqta oǵan múshe elder arasynda saiahattaý úshin «jasyl tólqujat» engizilýi kerek. Osy rette kóptegen adamdar demalys aldynda vaktsina saldyrýǵa asyǵýda.
Izrailde 1 maýsymnan bastap koronavirýstyq pandemiiaǵa bailanysty buryn engizilgen barlyq shekteýler alynyp tastaldy. Tek jabyq jerlerdegi qoǵamdyq oryndarda betperde kiiý talaby men elge kirýshilerge karantin kezinde qoiylatyn talaptardyń kúshi joiylǵan joq. Sonymen qatar, jinalystarǵa qatysýshylardyń sanyna qatysty barlyq shekteýler alynyp tastalady.
Munymen qosa, izraildikterge budan bylai bir jerge kirý úshin vaktsinatsiia týraly nemese COVID-19-dan saýyǵý týraly qujatty usyný qajet emes.
Izrail birqatar elderge, onyń ishinde qazirgi ýaqytta epidemiologiialyq qaýip-qater boiynsha «qyzyl aimaqtaǵy» Resei azamattarynyń el aýmaǵyna kirýine shekteýlerdi alǵan joq.
Izrailge kelgender memleket aýmaǵyna kirý kezinde koronavirýsqa test tapsyrýy, ushýdan 72 saǵat buryn jasalǵan taǵy bir testtiń nátijelerin usynýy kerek.
