Túrkistan oblysynda muǵalimder men politsiia ókilderi koronavirýs infektsiiasyna qarsy vaktsina ala bastady. Ol úshin aimaqqa «Spýtnik V» vaktsinasynyń 10 myńǵa jýyq dozasy jetkizildi, dep habarlaidy "Ult aqparat".
Oblys ákiminiń baspasóz qyzmetinen málim etkendei, erikti túrde ekpe jasatýdy qalaǵan ustazdar men politsiia qyzmetkerlerin aldymen dárigerler tekseredi. Vaktsinatsiia aldynda olar syrqattardan din aman bolýy kerek. Sońǵy málimetke sáikes, Túrkistan oblysynda 435 pedagog pen 163 politsiia qyzmetkeri vaktsina saldyrdy.
Eske salaiyq, elde koronavirýsqa qarsy egý naýqany 1 aqpanda bastaldy. Birinshi kezekte vaktsinatsiia meditsina mamandaryna júrgizildi.
Búgingi tańda Túrkistan oblysynda 6 myńnan astam adam koronavirýsqa qarsy egildi. Naýryz aiynyń ortasynda oblysqa taǵy 8600 myń doza preparat jetkiziledi dep kútilýde. Vaktsinatsiia erikti túrde júrgiziledi jáne ony 18-60 jas aralyǵyndaǵy azamattar saldyra alady.
Birinshi kezekte ekpeni dárigerler, pedagogtar, politsiia qyzmetkerleri sala alady. Esterińizge sala keteiik, óńirde KVI-ǵa qarsy vaktsinatsiia jyl sońyna deiin jalǵasady. Bul halyqtyń 45-50% qamtidy. Sońǵy táýlikte Túrkistan oblysynda koronavirýs infektsiiasynyń 3 jaǵdaiy tirkeldi.
