QR Ishki ister ministri Erlan Turǵymbaev jalǵan habar taratqandardy jaýapqa tartý jumystary jóninde baiandady, dep habarlaidy QazAqparat.
«Kei turǵyndardyń ádeii jalǵan aqparat taratýy faktileri jalǵasýda. Feik jańalyq avtorlary naqty eldimekender men meditsinalyq uiymdardyń atyn jazyp, aýrý juqtyryp, qaitys bolǵandardyń sanyn oilap tabady jáne joq tyiymdardy aitady. 25 naýryz kúni Kókshetaý qalasynda Koreiadan aýrý juqtyryp kelgen naýqastardyń Aqmola oblysynda jatqany týraly jalǵan habar taratqan top ustaldy», - dedi ministr Ortalyq kommýnikatsiialar qyzmetinde ótken brifingide.
29 naýryzda Atyraý oblysynda áleýmettik jelide taralǵan 3 jalǵan aqparat tabyldy.
«Jalǵan áńgimelerdi taratý arqyly bul adamdar halyqty úreilendirip júr. Qazirgi ýaqytta jalǵan habar taratý boiynsha 45 fakti anyqtaldy. Barlyq kináliler tabylyp, sotqa deiingi tergeý júrip jatyr», - dedi E. Turǵymbaev.
Buǵan deiin ministr Almaty men Nur-Sultan qalalaryna zańsyz kirmek bolǵan 33 adam jaýapqa tartylǵanyn habarlaǵan edi.
Sondai-aq, zańsyz shyǵarylyp, turǵyndarǵa qymbat baǵamen satylǵan 2 mln meditsinalyq maska, 4 myń qorǵanys kostiými jáne 10 tonna dezinfektsiialyq qural ainalymnan alyndy.
