Densaýlyq saqtaý organdarynyń suranysymen Ishki ister ministrligi 3800 adamdy izdestirdi. Qazir 47 adamnyń turǵylyqty orny anyqtalyp jatyr. Bul týraly QR Ishki ister ministri Erlan Turǵymbaev aityp berdi, dep habarlaidy "Ult aqparat".
«Bastapqy kúnderden beri politseiler men áskeriler de dárigerlermen bir qatarda aldyńǵy shepte qyzmet etip keledi. Karantin aýmaǵynda aýrý oshaqtaryn oqshaýlaý boiynsha arnaiy sharalar júrgizildi», - dep atap ótti ministr Ortalyq kommýnikatsiialar qyzmetinde ótken brifingte.
Onyń aitýynsha, qazirgi ýaqytta 31 nysan qorshaýǵa alynǵan. Olardyń arasynda turǵyn úiler, jeke kireberister jáne jataqhanalar bar.
«Koronavirýs infektsiiasyn juqtyrǵan naýqastarmen bailanysta bolýy yqtimal tulǵalardy izdestirip, meditsinalyq mekemege jetkizip jatyrmyz. Densaýlyq saqtaý organdarynyń suranysymen 3800 adam izdestirildi. Qazir 47 adamnyń ornalasqan jeri anyqtalýda», - dedi E. Turǵymbaev.
