Oblystyq juqpaly aýrýlar aýrýhanasynda koronavirýstan emdelip jatqandar ishinde tórt adam aýyr halde, - dep habarlaidy "Ult aqparat".
BQO densaýlyq saqtaý basqarmasynyń basshysy Bolatbek Qaiýpovtyń brifingte málim etkenindei, olardyń úsheýi ókpeni jasandy jeldetý apparatyna qosylǵan.
Ekeýi 79 jáne 68 jastaǵy emdelýshiler bolsa, bireýi – bala.
Jalpy, oblysta 665 adam koronavirýs dertimen tirkelse, sonyń 30-y – balalar.
Qazirgi tańda 300 adam (12-si – bala) statsionarda emdelýde. Munyń 135-i – aýrý belgisi sezilmeitinder. 104-i jeńil, 57-si ortasha halde.
«Tek ótken demalys kúnderi koronavirýs juqtyrǵan 85 adam (senbide – 41, jeksenbide – 44) aýrýhanaǵa tústi», dedi B.Qaiýpov.
BQO ákimdigi málim etkenindei, óńirde sońǵy tirkelgen 44 naýqastyń 35-i – buryn korovarýs juqtyrǵandarmen bailanysta bolǵandar. 9 adamnan profilaktikalyq maqsatta synama alynǵan.
Oblysta indetke qarsy sharalar jalǵasýda.
Eske sala keteiik, budan buryn Oralda koronavirýstan kóz jumǵan er adam Teńiz ken ornynda jumys istegenin jazǵan bolatynbyz.
Oblystyq densaýlyq saqtaý basqarmasy basshysynyń sózine qaraǵanda, koronavirýstan qaitqandar úshin qalalyq ziratta arnaiy oryn bólingen. Marqum sonda jerlendi.
