Koronavirýspen aýrý maýsymdyq sipatqa ie bolyp barady. Bul týraly Joǵary eýraziialyq ekonomikalyq keńestiń otyrysynda Qazaqstan Prezident Qasym-Jomart Toqaev aitty, dep habarlaidy "Ult aqparat".
«Osy jyldyń aqpanynan bastap Qazaqstanda halyqty reseilik «Spýtnik V» preparatymen vaktsinatsiialaý júrgizilip jatyr. Resei járdeminiń arqasynda atalǵan preparat óndirisi bizdiń elimizde de jolǵa qoiylǵan. Bul — tabysty ǵylymi-ónerkásiptik kooperatsiianyń jarqyn úlgisi. Mundai tájiribeni keńeitip, basqa da salalarǵa engizýge bolady», - dedi Memleket basshysy.
Qasym-Jomart Toqaev Qazaqstan da óziniń otandyq QazVac vaktsinasyn ázirlegenin atap ótti.
«Osylaisha, Qazaqstan óziniń vaktsinasy bar on eldiń birine ainaldy. Júrgizilgen klinkalyq zertteýler onyń tiimdiligi men qaýipsizdigin kórsetti. Buǵan qosa, barlyq boljamdarǵa qaraǵanda kovidpen aýyrý maýsymdyq sipatqa ie bolyp barady. Virýspen kúrestegi tabys kepili halyqty immýndaý ekeni aiqyn. Bul saladaǵy yntymaqtastyq pen ózara is-qimyldy jalǵastyrý barynsha mańyzdy dep sanaimyz», - dedi QR Prezidenti.
