Mańǵystaý oblysyna vaktsinalaý bastalǵannan beri 8000 dana ekpe jetkizildi, dep habarlaidy "Ult aqparat".
Bul týraly Mańǵystaý oblysy qoǵamdyq kommýnikatsiialar ortalyǵynda ótken brifingte óńirdiń sanitariialyq-epidemiologiialyq baqylaý departamentiniń basshysy Ǵaziz Nadýev málim etti.
Onyń aitýynsha, óńirde 16 egý pýnktinde 7 kabinet jumys istep tur.
15:08«Spýtnik-V» vaktsinasynyń birinshi komponentiniń 4500 dozasy jáne «Spýtnik-V» vaktsinasynyń 2 komponentiniń 3500 dozasy -18 gradýsta barlyq saqtyq rejimin saqtai otyryp, oblysqa jetkizildi», - dedi Ǵaziz Nadýev.
Búgingi tańda Mańǵystaý oblysynda vaktsinatsiialanǵan adamdardyń sany - 2155.
«Búgingi tańda koronavirýsqa qarsy 1 komponentpen 1625 adam, 2 komponentpen 530 adam vaktsinatsiialandy. Aita ketý kerek, Qazaqstanda vaktsinatsiiadan bas tartqany úshin ákimshilik nemese qylmystyq jaýapkershilik qarastyrylmaǵan», - dedi Mańǵystaý oblysy sanitarlyq-epidemiologiialyq baqylaý departamentiniń basshysy Ǵaziz Nadýev.
Ǵaziz Nadýevtiń aitýynsha, immýndaýdan keiingi asqynýlar men reaktsiialar tirkelgen joq.
2021 jyldyń ekinshi toqsanynan bastap otandyq «QazCovid-In» preparatymen vaktsinatsiialaý josparlanǵan.
