Nur-Sultan qalasy koronavirýs taralýynyń joǵary bolýyna bailanysty «qyzyl» aimaqta qalyp otyr, dep habarlaidy "Ult aqparat".
QR Densaýlyq saqtaý ministrligi Ulttyq qoǵamdyq densaýlyqty saqtaý ortalyǵynyń deregine sáikes, buǵan deiin «qyzyl» aimaqta bolǵan Pavlodar oblysynda ahýal birshama turaqtaldy.
Bul óńir «qyzyldan» «sary» aimaqqa ótti.
Sonymen qatar «sary» aimaqta atalǵan óńirden basqa Almaty qalasy, Shyǵys Qazaqstan, Soltústik Qazaqstan, Aqmola jáne Atyraý oblystary jatyr.
Elimizdiń qalǵan barlyq óńiri «jasyl» aimaqta.
«Qyzyl» aimaqta qatań shekteý sharalary engizilgen.
Al «sary» aimaqta qoldanystaǵy karantin sharalary saqtalyp, olardy baqylaý kúsheitiledi.
«Jasyl» aimaqtaǵy óńirler úshin shekteý sharalary jeńildetilýi múmkin.
