QR DSM Qoǵamdyq densaýlyq saqtaý ulttyq ortalyǵy Juqpaly aýrýlardyń aldyn alý departamentiniń direktory Jumabek Bekenov eldegi epidemiologiialyq ahýaldy baiandady, dep habarlaidy QazAqparat.
«Qazirgi tańda Qazaqstan Respýblikasynda 27 541 COVID-19 jaǵdaiy tirkelip otyr. Onyń simptomsyz túri – 9 809 adamda, simptomdy túri – 17 732 adamda. Sońǵy táýlikte 1 471 aýrý tirkeldi, onyń 507 – simptommen, 964-i – simptomsyz», - dedi spiker Ortalyq kommýnikatsiialar qyzmetinde ótken onlain brifingte.
Onyń aitýynsha, 10 962 adam nemese aýyrǵandardyń 62 paiyzy syrqattan jazylyp shyqty.
«Elimizdiń barlyq statsionarlyq karantininde 1 868 adam, úi karantininde – 11 563 adam jatyr. COVID-19 aýyryp, aýrýhanada jatqan naýqastar sany – 8 052, KVI juqtyryp, ambýlatoriialyq baqylaýda 8 472 adam tur», - dedi Jumabek Bekenov.
