Pandemiia bastalǵannan beri Qazaqstanda KVI-testiń oń nátijesimen 225 685 adam jáne teris nátijemen 49 817 adam aýyrdy. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Pandemiia bastalǵannan beri Qazaqstanda COVID-19 oń nátijesimen 225 685 adam jáne KVI-diń teris nátijesimen 49 817 adam aýyrdy. Naýqastardyń 92% saýyǵyp ketti, onyń ishinde KVI-diń oń nátijesimen – 207 371 adam jáne KVI-diń teris nátijesimen – 45235 adam. Sonyń ishinde sońǵy táýlikte KVI-diń oń nátijesiniń 954 jáne teris nátijesiniń 7 jaǵdaiy tirkeldi. Onyń 10-y ólim jaǵdaiymen aiaqtaldy», - deidi QR Densaýlyq saqtaý ministri Aleksei Tsoi.
Onyń aitýynsha, Qazaqstan Respýblikasy epidemiologiialyq jaǵdai boiynsha «sary» aimaqta tur.
«Qyzyl» aimaqqa Nur-Sultan jáne Almaty qalalary men Batys Qazaqstan oblysy enip otyr. «Sary» aimaqqa Aqmola, Atyraý, Almaty jáne Qaraǵandy oblystary kirgen. Al qalǵan 10 aimaq «jasyl» aimaqta ornalasqan», - deidi ol.
