5 naýryzdan bastap Qaraǵandy oblysynda halyqty koronavirýstyq infektsiiadan erikti túrde vaktsinalaý bastaldy. Niet bildirýshiler «Spýtnik-V» vaktsinasyn tegin ala alady. Tek tirkelý qajet, dep habarlaidy "Ult aqparat".
Loboda kóshesindegi otbasylyq densaýlyq ortalyǵynda kúnine 100 erikti vaktsinatsiialanady. Olardyń arasynda dárigerler, pedagogtar jáne Qaraǵandynyń qarapaiym turǵyndary bar. Vaktsinany kem degende 18 jastaǵy adamdar ala alady.
«Biz kún saiyn dárigerler men pedagogtar sanatyna jatpaityn 15 eriktini vaktsinatsiialaimyz. Qazirgi ýaqytta bizde 72 adam ekpe aldy. Vaktsinatsiiaǵa bizge tirkelgen azamattar, sondai-aq «Gippokrat» klinikasynyń filialy men meditsina ýniversitetiniń stýdentteri jazyla alady. Adamdar belsendi jazylyp jatyr. Vaktsina jetkilikti.
Dárigerler «Spýtnik V» bir bótelkesi bes adamǵa arnalǵan ekenin eske salady. Naýqas óz kezegin uzaq kútpeýi úshin jazba bes adamdy biriktirýge múmkindik beredi», - deidi Qalalyq alǵashqy meditsinalyq-sanitarlyq kómek ortalyǵynyń direktory Tatiana Bashirova.
Vaktsinatsiia saýalnamany toltyrýdan bastalady. Ol jalpy jaǵdaidy jáne sozylmaly aýrýlardy sipattaidy. Sodan keiin naýqasty dáriger tekseredi. Eger qarsy kórsetilimder bolmasa, onda adam vaktsinatsiiadan ótedi.
Inektsiiadan keiin vaktsinatsiiadan keiingi baqylaý aimaǵynda 30 minýt bolý kerek. Dárigerler naýqastyń jaǵdaiyn muqiiat qadaǵalaidy. Shuǵyl jáne shtattan tys jaǵdailar úshin ortalyqta shuǵyl meditsinalyq kómek aimaǵy jabdyqtalǵan.
«Búgin men ekpe alýǵa jubaiymmen keldim. Biz vaktsinanyń paida bolýyn kúttik. «Spýtnik-V« týraly kóp oqydyq jáne onyń tiimdiligine senimdimiz. Biz vaktsinatsiiany tegin jasai alatynymyzǵa qýanyshtymyn. Barlyq dárigerler meiirimdi jáne vaktsinatsiia kezinde ár kezeńdi túsindiredi», - dedi qaraǵandylyq Kristina Tokar.
