Izrailde koronavirýsqa qarsy vaktsina alǵan nemese osy indetten jazylyp shyqqan azamattarǵa «jasyl pasport» berilip jatyr. "Ult aqparat" álemdegi osy jáne ózge de jańalyqtar týraly Qazaqstanda koronavirýstyń taralýyna jol bermeý jónindegi vedomstvoaralyq komissiiasynyń aqparatyna silteme jasap habarlaidy.
Izrailde «jasyl pasport» dep atalatyn qujat ainalymǵa engizildi. Ony koronavirýsqa qarsy ekpe alǵan nemese indetten jazylyp shyqqan azamattar ala alady. Atalǵan kýálik ielerine fitnes-stýdiialarǵa, sporttyq is-sharalarǵa qatysýǵa, qonaq úilerge toqtap, teatr men kinoǵa barýǵa ruqsat etiledi. Izraildiń Densaýlyq saqtaý ministri Iýlii Edelshtain bul artyqshylyqtardy eldiń 3,2 millionnan astam azamaty birden paidalana alatynyn málimdedi.
Al Dúniejúzilik meditsina qaýymdastyǵynyń (WMA) tóraǵasy Frank Ýlrih Montgomeri, Germaniiadaǵy shekteý sharalaryn jeńildetpeýdi eskertti. «Koronavirýs reprodýktsiiasy indeksiniń (R) joǵarlaýy kezinde shekteý sharalaryn jeńildetý týraly aityp jatqandardyń áreketi –jaýapsyzdyq», - dep málimdedi Montgomeri. Esterińizge sala keteiik, Germaniiada 16 jeltoqsannan bastap qatań lokdaýn engizilgen. Biraq oǵan qaramastan, Berlinde 21 aqpanǵa qaraǵan túni 30 adamnyń qatysýymen uiymdastyrylǵan zańsyz saýyq keshiniń ótkeni anyqtaldy. Is-shara qaraýsyz qalǵan ónerkásiptik ǵimarattyń aýmaǵynda uiymdastyrylǵan.
Parijde jergilikti quqyq qorǵaý organdary qatań shekteý sharalyryna qaramastan, 200-ge jýyq adamnyń qatysýymen uiymdastyrylǵan jasyryn saýyq keshin áshkerlegen. Politsiia qyzmetkerleri 10 adamdy qamaýǵa alyp, aiyppul tóleýdi kózdeitin 59 hattama jazǵan.
Madridte jasyryn saýyq keshiniń qatysýshylary karantindik shekteýlerdi buzýshylardy anyqtaý maqsatynda reid júrgizgen politsiia qyzmetkerlerinen jasyrynýǵa tyrysyp, matras pen shkaftyń astyna tyǵylǵan. Ótken demalys kúnderi tek Ispaniia astanasynda 227 saýyq keshi ótkeni anyqtalǵan. «Turǵyndar lokdaýndy saqtamaǵan, ǵimarat ishinde betperde qoldanbaǵan jáne qaýipsizdik sharalaryn ustanbaǵan», - delingen qalalyq politsiia basqarmasynyń málimetinde.
