Qańtar aiynda Eýropada koronavirýstyń «omikron» shtamyna shaldyǵýshylar sany artatyny boljanyp otyr. Britaniiada pandemiia bastalǵaly virýsty juqtyrý oqiǵalarynyń rekordtyq sany tirkeldi. Pfizer kompaniiasy kovidti emdeýge arnalǵan jańa dári shyǵardy. Eýropa 5-11 jas aralyǵyndaǵy balalarǵa vaktsina salýǵa daiyndyq júrgizýde. Ýkraina indetke qatysty shekteýlerdi taǵy úsh aiǵa sozdy. QazAqparat bul týraly VVS-ge silteme jasap habarlaidy.
Erýokomissiia basshysy Ýrsýla fon der Liaien koronavirýstyń «omikron» nusqasynyń qańtar aiynda Eýropada basym bolatynyn eskertti. Bul rette ol Eýroodaq elderinde virýspen kúres júrgizý úshin vaktsina jetkilikti ekenin atap ótti.
«Aýrýǵa shaldyǵýdyń jańa oqiǵalarynyń sany árbir eki ne úsh kún saiyn eselenip keledi ján ebul úlken kórsetkishter. Ǵalymdardyń aitýynsha, qańtardyń ortasyna qarai «omikron» Eýropada jańa dominantty nusqa bolatynyn kútýge bolady», - dedi fon der Liaien Evroparlamentke.
Dúniejúzilik densaýlyq saqtaý uiymy (DDSU) koronavirýstyń jańa nusqasynyń álemde úlken qarqynmen taralyp otyrǵanyn eske salýda. «Omikrondy « juqtyrý oqiǵalary 77 elde rastaldy. Osy arada, AQSh-ta koronavirýs juqtyryp qaitys bolǵan adamdar sany 800 myńnan asqan – bul álem boiynsha eń joǵary kórsetkish.
«Omikron» belgileri ózge nusqalarǵa uqsamaidy
Oksford ýniversitetiniń professory Djon Bell «omikron» belgileriniń koronavirýstyń basqa nusqalarynan erekshelenetinin aitýda. Onyń sózinshe, virýstyń bul nusqasyna shaldyqqan adamdardyń bulshyqeti, ásirese arqasy aýyryp, murny biteledi, asqazany qabynyp, ishi ótedi. Mialgiia, iaǵni bulshyqettiń aýy rýy – jańa nusqanyń erekshe belgisi, densaýlyq saqtaý salasynyń qyzmetkerleri munyń sebebin ázirge túsine almai otyr.
D. Bell «omikronnyń» belgileri jaily túsinik bolǵanymen, onyń basqa erekshelikterin áli de anyqtaý qajet ekenin aitýda.
Pfizer kovidti emdeýge arnalǵan jańa dári shyǵardy
Pfizer kompaniiasy koronavirýs saldaryn emdeýge arnalǵan jańa Paxlovid preparatynyń tiimdiligin málimdedi. Preparat qaýip tobyndaǵy adamdar arasynda aýrýhanaǵa jatý jáne ólim jaǵdailaryn 90 paiyzǵa azaitty.
Testileýge 2,2 myńnan artyq volonter qatysqan. Alynǵan málimet qarasha aiynda jariialanǵan nátijeni rastap shyǵardy.
Kompaniia birde-bir elde qoldanýǵa ruqsat etilmegen P akslovid preparaty zerthanalyq synaqta koronavirýstyń «omikron» nusqasyna qarsy tiimdiligin tanyta alǵanyn málimdedi.
Pakslovid eki preparat - jańa tájiribelik dári N irmatrelvir men AITV-ǵa qarsy qoldanylatyn virýsqa qarsy R itonavir preparattarynyń qosyndysy. Bul dárini bes kún qabyldaý qajet.
Taǵy bir preparat, Merck kompaniiasy shyǵarǵan M olnýliravir Ulybritaniiada qoldanýǵa ruqsat etilgen. Alaida zertteý qorytyndylary M olnýliravirdiń aýrýhanaǵa jatqyzý jáne ólim oqiǵalarynyń sanyn nebári 30 paiyzǵa tómendetkenin kórsetti, ony qoldaný qaýipsizdigine de qatysty suraqtar týyndaǵan. Oǵan qaraǵanda, Pfizer kompaniiasy shyǵarǵan preparattyń nátijeliligi kóp.
Italiia elge kirý erejelerin kúsheitti
Italiia beisenbiden bastap EO-nyń basqa elderinen kirý erejelerin kúsheitedi. Endi elge kirmek bolǵan adamdar koronavirýsqa test tapsyryp, vaktsina almaǵandar beskúndik karantinge jatqyzylady. Buǵan deiin Italiiaǵa EO elderinen kelýshiler vaktsina týraly kýálik, saýyqqany nemese koronavirýsqa qarsy test tapsyrǵanyn rastaityn anyqtama usynyp kelgen.
Vaktsina almaǵan saiahatshylar karantinde oqshaýlanady, ekpe saldyrtqandar testiń teris nátijelerin usynýy tiis. Jańa sharalar merzimi - 16 jeltoqsan men 31 qańtar aralyǵy.
Eýropa balalarǵa vaktsina sala bastaidy
Sársenbi kúni Eýropanyń birneshe memleketi 5-11 jas aralyǵyndaǵy balalarǵa vaktsina sala bastady. Bul shara virýstyń «omikron» nusqasynyń jyldam taralýy jaǵdaiynda mektepterdiń jabylyp qalmaýy maqsatymen júrgizilýde.
Germaniia, Ispaniia, Grekiia jáne Vengriia kishi jastaǵy balalarǵa ekpe sala bastady. Dárigerler vaktsinanyń ata-analar tarapynan úlken suranysqa ie bolǵanyn aityp otyr.
Grekiianyń Bilim ministri Niki Kerameýs kishkentai balasyna vaktsina saldyrtý úshin afinalyq aýrýhanaǵa birinshilerdiń qatarynda kelgen.
Búginde elde 30 myńnan astam bala ekpe alýǵa jazylǵan.
«Omikron» juqtyrý oqiǵalarynyń kóp sany tirkelgen Daniia men Avstriianyń keibir aimaqtarynda kishi jastaǵy balalarǵa ekpe saldyrtý usynysy qarashada túsken.
Iri elder arasynda balalarǵa ekpe saldyrtqan – Qurama Shtattar, búginde elde 5-11 jas aralyǵyndaǵy bes millionnan astam balaǵa vaktsina egildi.
Germaniianyń keibir qalalarynda balalarǵa ekpeni murajailar men haiýanattar baǵynda salý josparlany p otyr, basqalarynda mektep syrtyndaǵy mobildik brigadalar qurylmaq.
Ispaniiada 5-11 jas aralyǵyndaǵy balalarǵa ekpe salý naýqany bastalýda – bul topqa shamamen 3,3 million adam kirip otyr.
Eýropanyń birqatar elderi, sonyń ishinde Italiia, Portýgaliiaia, Polsha, Baltyq elderi jáne Cheehiia osyǵan uqsas naýqandardy aldaǵy kúnderi iske asyrmaq.
Ýkraina kovidke qatysty shekteýlerdi taǵy úsh aiǵa sozdy
Ýkrain úkimeti pandemiiaǵa bailanysty shekteýlerdi jeltoqsan sońynan bastap taǵy úsh aiǵa – 31 naýryzǵa deiin sozady. Buǵan elde vaktsinalaýdyń tómen deńgeii sebep bolýda. Bul týraly sársenbi kúni eldiń premer-ministri Denis Shmygal málim etti.
Onyń túsindirýinshe, bul kópshilik oryndarǵa kovid-sertifikattarmen kirý, maska taǵý jáne qashyqtyqty saqtaý erejeleri óz kúshinde qalatynyn bildiredi.
Premer shekteýlerdiń eldegi turǵyndardyń 70 paiyzy vaktsina saldyrtpaǵansha saqtalatynyn qosyp ótti.
Ýkraina Densaýlyq saqtaý ministrliginiń málimetinshe, eldegi 41 mln halyqtyń 12,6 milliony ǵana kovidke qarsy vaktsinanyń eki dozasyn saldyrtqan, bul rette aýrý juqtyrýdyń 3,6 mln oqiǵasy men 92 myńǵa jýyq ólim oqiǵasy tirkeldi.
