Qazaqstanda COVID-19 virýsyn anyqtaýǵa tegin ekspress-testten kimder óte alady? Ol úshin ne isteý kerek jáne onyń nátijesi senimdi me? Osy jáne ózge de suraqtardyń jaýaby coronavirus2020.kz resmi saitynda berildi, dep habarlaidy "Ult aqparat".
Koronavirýsty anyqtaýǵa ekspress-testten ótý úshin ne isteý kerek?
1. QR DSM Respýblikalyq elektrondyq densaýlyq saqtaý ortalyǵynyńhttps://formcovid.eisz.kz/index.htmlsaitynda saýalnama toltyrý.
2. Epidemiologiialyq irikteý kómegimen birinshi kezekte testten ótkiziletin azamattardyń sanaty anyqtalatyn bolady.
3. Azamattardyń osy sanattary koronavirýsqa ekspress-testten tegin ótedi.
COVID-19 virýsyn anyqtaýǵa tegin ekspress-testten kimder óte alady?
Sońǵy eki ai ishinde aýrýǵa shaldyqqan nemese qazirgi ýaqytta JRVI, pnevmoniia, jedel-respiratorlyq aýrý belgileri bar tómende kórsetilgen qaýip tobyndaǵy tulǵalar:
1. Koronavirýstyń aldyn alý sharalaryna qatysatyn tulǵalar: jedel járdem qyzmetkerleri, ambýlatorlyq-emhanalyq uiymdardyń, statsionarlardyń qabyldaý bólimsheleriniń qyzmetkerleri.
2. Meditsinalyq kómek kórsetýge tikelei qatysatyndar.
3. Tynys alý aǵzalarynyń aýyr sozylmaly aýrýlarymen dispanserlik esepte turǵan tulǵalar.
4. Aýrýhanaǵa jatqyzylmaǵan respiratorlyq simptomdary (JRVI, pnevmoniialar, JRA) bar naýqastar.
5. Naýqaspen yqtimaldy qarym-qatynasta bolǵan tulǵalar.
6. Memlekettik shekaradaǵy ótkizý beketterinde avtoótkelder men temirjoldar arqyly Qazaqstanǵa saparlap keletin azamattar.
7. Koronavirýstyń taralýynyń aldyn alýǵa qatysatyn ortalyq jáne jergilikti memlekettik organdardyń qyzmetkerleri (Ishki ister ministrligi, Qorǵanys ministrligi, Ulttyq gvardiia, UQK, Keden qyzmeti, ákimdikter qyzmetkerleri).
8. Karantindegi óńirlerdiń tirshilik qyzmetin qamtamasyz etetin qyzmetkerler (kommýnaldyq qyzmetter, saýda-sattyq, dári-dármekter jáne azyq-túlik jetkizetin qyzmetkerler, tapsyryspen jetkizýdi júzege asyratyn qoǵamdyq tamaqtandyrý obektileriniń, kólik tasymalynyń, PIK-terdiń ókilderi, dezinfektsiia qyzmetin kórsetetinder jáne t.b.).
9. Tek epidemiologiialyq kórsetilimder boiynsha ózge tulǵalar.
Ekspress-testten ótý rásimi
1. Qaýipsizdikti qamtamasyz etý úshin COVID-19-ǵa synama alý protsedýrasy basqa taldaýlar qabyldanbaityn, biomaterial alý úshin ǵana belgilengen bólimshelerde ótkiziledi (saýalnamalardy irikteý qorytyndylary boiynsha).
2. Patsientter ekspress-testten ótýge qatań túrde kórsetilgen ýaqytta shaqyrylady jáne kezekte 1,5 - 2 metr araqashyqtyq saqtap, qan tapsyrý bólimsheleriniń aldynda - dalada kútedi jáne orynjaiǵa bir-birden shaqyrylady.
3. Kiretin jáne shyǵatyn patsientter legi eki jaqqa bólinedi.
4. Meditsinalyq betperdeniń bolýy mindetti.
Testti kimder jáne qaida jasaidy?
1. Jedel járdem brigadalary (shuǵyl shaqyrtýlar).
2. Zerthanalyq qyzmetterdiń mobildi brigadalary, arnaiy jasaqtalǵan bólimshelerde (tek shaqyrý boiynsha).
3. Avto jáne temirjol ótkelderinde (QR aýmaǵyna saparlap keletin azamattar úshin).
4. Statsionarlarda (tek meditsinalyq kórsetilimder boiynsha).
COVID-19-ǵa ekspress-test neden turady?
1. Ekspress-test birneshe reagent jaǵyndysymen endirilgen test-jolaǵy bar birrettik plastik qurylǵydan turady.
2. Testti jasaý úshin kúrdeli qural-jabdyq qajet emes. Taldaýǵa qan saýsaqtan alynady, barlyq paidalanylatyn quraldar sterildi jáne birrettik.
3. Test nátijesin 15 minýt ishinde alýǵa bolady.
Ekspress-test nátijesi senimdi me?
1. Ekspress-test arqyly koronavirýs infektsiiasynyń diagnozy qoiylmaidy. Óitkeni test aǵzadaǵy virýsty anyqtamaidy, tek oǵan degen immýndyq júieniń reaktsiiasyn baǵalaidy.
2. Ekspress-testilerdiń senimdiligi 90% aspaidy, sondyqtan 10% deiingi jaǵdaida ári jalǵan-teris, ári jalǵan-oń nátijeler alýǵa bolady.
3. Diagnozdy rastaýdyń negizgi ádisi retinde burynǵysha: jutqynshaqtan PTR jaǵyndysy alý jáne koronavirýs RNQ-syn anyqtaý bolyp qala beredi.
Eger ekspress-test teris nátije kórsetse:
1. Testtiń teris nátijesin alý infektsiianyń joq ekenin nemese infektsiia juqtyrýdyń taiaýda bolǵanyn, al antidenelerdiń áli túzilip úlgermegenin aiǵaqtai alady.
2. Virýstyń osylai tasymaldanýy qorshaǵan qaýymǵa qaýipti bolýy múmkin, sondyqtan eger siz karantinde bolsańyz, oqshaýlanǵan kúide qalyp, barlyq profilaktikalyq sharalardy qadaǵalaý kerek.
3. Karantin aiaqtalǵanda infektsiia juqtyrýdy túpkilikti joqqa shyǵarý úshin qaitalap test ótkizý qajet.
COVID-19-ǵa ekspress-testiniń jumys isteý qaǵidaty
1. Test qaǵidaty SARS-CoV-2 (COVID-19) koronavirýsyna IgG/IgM klass antidenelerin qanda anyqtaýǵa negizdelgen. Infektsiia juqqan 7-10 kúnnen keiin birinshi bolyp IgM klass antideneleri óndiriledi. Olar aýrýdyń jedel satyda ekenin aiǵaqtaidy.
2. Infektsiia juqqannan keiingi 2-3 aptadan soń IgG klass antideneleri óndiriledi, ol infektsiianyń kóterimdi ótkenin jáne qalyptasqan immýndyq jaýapty bildiredi.
3. Eger adamda IgM klass oń antideneleri (nemese IgM jáne IgG oń antideneleriniń eki klasy) tabylsa, onda infektsiia 7-14 kúnge jýyq ýaqyt buryn juqqan.
4. Eger IgG klass oń antideneleri tabylsa – bul buryn osy adamnyń koronavirýspen bailanysy bolǵanyn nemese osy infektsiiany immýndyq jaýap qalyptasýymen kótergenin bildiredi.
