Djons Hopkins ýniversitetiniń málimeti boiynsha, pandemiia bastalǵannan beri álemde shamamen 164,3 million adam virýs juqtyrǵan, dep habarlaidy BBC.
145 millionǵa jýyq naýqas indetten jazyldy, 3,4 million adam qaitys boldy. Sondai-aq 1,5 mlrd astam adam koronavirýsqa qarsy vaktsina aldy.
Eýropa vaktsina alǵandardy kirgize bastaidy. Alaida barlyǵyna birdei ruqsat joq
Eýroodaq memleketteri Eýropalyq komissiianyń úshinshi elderden kelgen týrister úshin kirýdiń jańa erejeleri týraly usynysyn maquldady. EO elderine kirýdiń qatań karantin erejeleri týristik maýsymǵa bailanysty jeńildetiledi.
Qazir Eýropaǵa karantinsiz jáne dáleldi sebepsiz tek 7 eldiń azamattaryna kirýge ruqsat, onyń ishinde vaktsina alǵan-almaǵanyna qaramastan Avstraliia, Izrail jáne Singapýr bar.
Jazǵa qarai Eýropa Eýropalyq komissiia bekitken vaktsinalardyń birin alǵan barlyq týristerdi qabyldamaq. Búgingi tańda BioNtech jáne Pfizer, AstraZeneca, Moderna jáne Johnson & Johnson preparattary maquldanǵan. Al Qytaidyń Sinovac jáne Reseidiń Spýtnik-V vaktsinalary áli de baǵalaý satysynda.
Úndistan «qara zeńdi» jeńe almai jatyr
Úndistan aýrýhanalarynda zeńge qarsy Amforetsitin V preparatynyń tapshylyǵy sezile bastady. Bul – koronavirýsty emdeýde qoldanylatyn steroidterden paida bolatyn mýkormikoz infekiiasyna qarsy dári-dármek.
Mýkormikoz – Mucorales tuqymdas zeńderdiń ártúrli túrlerinen týyndaǵan aýrý. Ádette zeńder qaýipsiz. Biraq immýndyq júiesi álsiregen adamdarǵa, mysaly, qant diabeti, qaterli isik nemese AITV/JITS-ke shaldyqqandardyń murynnyń shyryshty qabyǵyna, ókpege jáne tipti miǵa áser etýi múmkin.
Frantsiia kafeler men barlardy ashady
Frantsiiada sársenbiden bastap kafeler, barlar, dúkender, galereialar men kinoteatrlar jumysqa oralady. El karantin jaǵdaiyn jeńildetip jatyr.
Búginnen bastap búkil eldegi dámhanalar men meiramhanalardyń terrasalarynda alty adamǵa deiin kezdesýge ruqsat etiledi. Ótken jyldyń jeltoqsan aiynda engizilgen komendanttyq saǵat keshki jetiden toǵyzǵa aýystyrylady.
Elde virýs juqtyrýdyń jańa jaǵdailarynyń sany kúnine 13 myń deńgeiinde saqtalady. Tek sáýir aiynyń basynda bul san 40 myńǵa jetti.
