Batys Qazaqstan oblysynda sońǵy bolyp tirkelgen 10 naýqastyń 9-y Reseiden kelgen, - dep habarlaidy "Ult aqparat".
BQO taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Nurlybek Mustaevtyń brifingte málim etkenindei, naýqastardyń biri buryn koronavirýspen aýyrǵan adammen qarym-qatynasta bolǵan.
Qalǵan 9-y – Reseide vahtalyq ádispen jumys jasaityn turǵyndar. Olar Saratov jáne Samara oblysymen shektesetin «Tasqala» men «Syrym» beketterinen ótkennen keiin karantindik statsionarǵa jatqyzylǵan. Sodan keiin synama alynǵan kezde koronavirýs juqtyrǵany anyqtaldy.
Qazirgi kezde on adam da oblystyq juqpaly aýrýlar aýrýhanasynda tiisti emderin alýda.
Aýrý oshaqtarynda dezinfektsiialyq jumystar tolyǵymen júrgizildi.
Osylaisha oblysta aýyrǵandar sany 86-ǵa jetip, sonyń ekeýi jazylyp shyqty. Sonyń basym kópshiligi (73-i) –Reseiden kelgender.
«Qazirgi tańda úilerinde oqshaýlanyp jatqan turǵyndar az emes. Olar bólek bólmede turyp, jeke bas gigienalaryn qatań saqtai bilýleri kerek. Ydys-aiaqtary da bólek bolady. Bólmeniń ishin álsin-álsin jeldetip, tańmen jáne keshte qyzýlaryn ólsheidi. Olardyń jaǵdaiyn meditsina qyzmetkerleri bilip turady. Oqshaýlanǵan adamdarmen birge turatyn otbasy músheleri de saqtyq sharalaryn umytpaýy tiis», dedi N.Mustaev.
Eske sala keteiik, budan buryn Oralda kásipker qyz-kelinshekterdiń kópbalaly analarǵa qolushyn sozǵanyn, BQO-da Reseiden kelgen stýdentten koronavirýs anyqtalǵanyn jazǵan bolatynbyz.
