Elimizde kardiohirýrgiialyq ortalyq, neirohirýrgiialyq ortalyq, perzenthanalar kúndelikti jumystaryn istep jatyr. Bul týraly eldegi koronavirýs infektsiiasy boiynsha aǵymdaǵy jaǵdai jaily onlain brifingte aityldy, dep habarlaidy QazAqparat.
«Elimizde mundai jaǵdai ázirge tirkelgen joq. Aiaǵy aýyr áielderge koronavirýsqa qatysty naqty usynymdar joq. Bizde virýs juqtyryp alǵan balalar bar. Ókinishke qarai, virýstyq infektsiia balalardy ainalyp ótpeidi. Ázirge buǵan bailanysty qiyndyqtar joq. Biz kez kelgen sanattaǵy naýqastarǵa kómektesýge daiynbyz», - deidi QR Densaýlyq saqtaý ministri Eljan Birtanov.
Onyń aitýynsha, qazirgi ýaqytta Nur-Sultan, Almaty qalalaryndaǵy perzenthanalar ádettegidei jumys isteýde.
«Kardiohirýrgiialyq ortalyq, neirohirýrgiialyq ortalyq, perzenthanalar kúndelikti jumysyn istep jatyr. Qajet bolǵan jaǵdaida jedel járdem shaqyryp, nemese ózderińiz baryp, perzenthanada bosanýǵa múmkindikterińiz bar», - deidi ol.
