Qaraǵandy meditsina ýniversitetiniń prorektory, meditsina ǵylymdarynyń doktory, professor Baqyt Kósherova túrli vaktsinalardy salýǵa qatysty túsinik berdi, dep habarlaidy QazAqparat.
«Shyn máninde tek bir vaktsinany saldyrǵan durys. Osy ekpelerdiń negizgi maqsaty virýstyń S aqýyzyna immýnitet qalyptastyrýǵa negizdelgen. Bul aqýyz koronavirýs infektsiiasynyń aýyr saldaryna alyp keledi. Shyǵarylyp jatqan vaktsinalardyń barlyǵy vektorlyq sanatyna jatady, quramynda S aqýyzy bar. Inaktivti vaktsinalar da S aqýyzyn qamtidy. Eń bastysy, aǵzada atalǵan aqýyzǵa antideneler qalyptastyrý kerek. Sondyqtan birneshe vaktsinany ektirýdiń qajeti joq», - dedi ǵalym.
Baqyt Kósherova qazirgi kezde tiisti zertteýler júrip jatqanyn aitty.
«Reseilik vaktsinaǵa toqtalsaq, antideneler qalyptasatyndyǵy týraly zertteýler bar. Antideneler tsirkýliatsiiasynyń uzaqtyǵy búginde 6 aidan kem emes bolyp tur. Degenmen zertteýler jalaǵysyp jatyr. Aldaǵy ýaqytta onyń merzimi uzarýy múmkin. Áli de ótken ýaqyt azdaý, sondyqtan vaktsinalaýdan keiin immýnitet, antideneler 1,2 jyl jáne odan kóp ýaqyt saqtalady dep aitý erterek. Zertteýlerdiń qorytyndysy boiynsha tiisti nátijege qol jetkizemiz dep sanaimyn», - dedi ǵalym.
