Almaty qalasynyń Qoǵamdyq densaýlyq saqtaý basqarmasy qaladaǵy epidemiologiialyq ahýal týraly jáne koronavirýsqa qarsy vaktsinany qai jerden alýǵa bolatyndyǵyn aitty, dep habarlaidy "Ult aqparat".
Búgin tańerteńgi aqparat boiynsha, qalada 715 adam koronavirýs juqtyrǵany anyqtaldy. Munyń ishinde 630-i simptomdy, jeńil jáne ortasha deńgeidegi belgilermen, 85-i simptomsyz aýyrǵan.
Qazir 6 100 tósek-orny iske qosylǵan. 3530 naýqas em qabyldap jatyr. 2 570 tósek-oryn bos.
1-9 cáýir aralyǵyndaǵy kezeńde 57 810 adam vaktsinalandy. Olardyń 13 857-si vaktsinanyń eki komponentin aldy. Ótken táýlikte 8 650 almatylyqqa ekpe egildi.
Vaktsinalanǵandardyń ishinde: 11 009 meditsina qyzmetkeri, 8 876 pedagog, quqyq qorǵaý qurylymdarynyń 6199 qyzmetkeri, sozylmaly aýrýlary bar jáne Almaty turǵyndarynyń ózge de sanattarynan 6 470 adam bar.
«Egý pýnkterinde QR DSM belgilegen nysanaly (maqsatty) toptardy, qart azamattar men sozylmaly aýrýlary bar adamdardy vaktsinalaý jalǵasýda»,- dep atap ótti basqarmadaǵylar.
Almaty qalasy boiynsha vaktsinatsiia barlyq emhanalarda, sonymen qatar, bazarlar, qoǵamdyq oryndar men saýda ortalyqtarynda júrgizilýde.
Jetisý aýdany: «Adem» saýda úii 1-qabat, «Altyn Taraz» saýda úii jáne «Kemel» mádeniet úii.
Alataý aýdany: «Aqbulaq», «Kenjehan», «Ójet» bazarlary men «BaqOrda» SOSO.
Túrksib aýdany: «Túrksib» jáne «Jetisý» bazarlaryndaǵy egý pýnkteri, Oqýshylar úii -6, Oqýshylar saraiy-7, «TJA» AQ.
Almaly aýdany: «Mega park»
Áýezov aýdany: «Aziia park», «Grand park», «Almaty Moll», «Spýtnik», «Moskva».
