Birinshi eshelon boiynsha jasaqtalǵan tósek-orynnyń 80 paiyzy tolǵan, ol 5 statsionarda ornalasqan. Bul týraly onlain brifing barysynda Almaty qalasy qoǵamdyq densaýlyq basqarmasynyń ókili, joǵary meditsina kolledjiniń direktory Svetlana Sultanǵazieva aitty, dep habarlaidy QazAqparat.
30 naýryz kúni Almatyda koronavirýs infektsiiasynyń 526 jańa jaǵdaiy tirkelgen, onyń 425-i - simptomdyq belgileri bar jáne 101-i - simptomsyz.
Bir táýlik ishinde – 306 naýqas qabyldansa, statsionardan 209 naýqas shyǵarylǵan.
Svetlana Sultanǵazievanyń aitýynsha, Almatyda qazir 5 myńnan astam infektsiialyq tósek-oryn uiymdastyrylǵan. Onyń barlyǵy 3 eshelonǵa bólingen.
«Qazirgi ýaqytta infektsiialyq aýrýhanalarda koronavirýspen 2 793 adam jatyr. Onyń ishinde 109-y bala, asa aýyr jaǵdaidaǵy naýqastar – 46. Birinshi eshelon boiynsha jasaqtalǵan tósek-orynnyń 80 paiyzy tolǵan, ol 5 statsionarda ornalasqan. Ekinshi eshelon boiynsha 2400 tósek-oryn 15 meditsinalyq uiymda jasaqtaldy, qazir onyń 43 paiyzy tolǵan. Úshinshi eshelon boiynsha 8 meditsinalyq uiymda tósek-oryn uiymdastyryldy jáne onyń 14 paiyzy toldy», - deidi ol.
Jalpy reanimatsiia jáne intensivti terapiia bólimshesinde – 125 naýqas bar, ondaǵy bos tósek-oryn sany – 295.
Oǵan qosa «Halyq Arena» sport kesheninde 1000 oryn jasaqtalǵan, qazir onda 18 naýqas jatyr.
