Almatyda bir jasqa deiingi balalar arasynda virýs juqtyrý kóbeigen. Bul týraly qalalyq sanitariia-epidemiologiialyq baqylaý departamenti basshysynyń orynbasary Ásel Qalyqova onlain brifingte aitty, dep habarlaidy "Ult aqparat".
Qańtar aiynda onǵa jýyq bala qaýipti indetti juqtyrsa, qazir 60-qa jýyq bala emdelip jatyr. Bul Almaty aýmaǵynda virýstyń mýtatsiialanǵan túriniń paida bolýymen bailanysty.
«Sondai-aq virýstyń otbasy músheleri arqyly taraýy sebep bolyp otyr. Qalada koronavirýsty juqtyrý burynǵydai adam kóp jinalatyn jerde oryn alýda. Ol - saýda oryndary, juqtyrýdyń 23 paiyzy osy jerlerde bolǵan. Sondai-aq úiler arasynda ornalasqan dúkenderde, qoǵamdyq kólikte, jumys ornynda juqtyrý joǵary. Almaty qalasynyń bas memlekettik sanitar dárigeriniń qaýlysynda jumysshylardyń 80%-yn qashyqtan jumys isteýge jiberý aitylǵan. Biraq bul talap saqtalmai otyr», - deidi Ásel Qalyqova.
Epidemiolog qalypty ómirge tez oralý úshin qaýipsizdik sharalaryn qatań saqtaýymyz kerek ekenin basa aitty.
«Eger bul virýstan qutylyp, qalypty ómirge oralǵymyz kelse, maska taǵý rejimin saqtap, qaýipsizdik sharalaryn saqtaýymyz kerek. Oǵan qosa halyq vaktsina saldyrýdan bas tartpaýy kerek. Bul, birinshi kezekte, jaqyndaryn virýstan saqtaý úshin qajet», - deidi Ásel Qalyqova.
Aita keteiik, ótken táýlikte Almatyda 717 adam koronavirýs juqtyrǵan.
