Qazaqstanda koronavirýstyń taralýyna qarsy vedomstvoaralyq komissiia álemdegi epidemiologiialyq ahýalǵa sholý jasady, dep habarlaidy "Ult aqparat".
Robert Koh institýtynyń málimetinshe, Germaniiada sońǵy táýlikte koronavirýs infektsiiasynyń 9 164 jańa jaǵdaiy tirkelgen, 490 adam qaitys bolǵan.
Sońǵy 7 kúnde 100 myń adamǵa shaqqanda 57,8 juqtyrý jaǵdaiy tirkelgen.
El biligi epidemiiaǵa qarsy qatań sharalardyń álsireýi bul kórsetkishtiń 35 jaǵdaiǵa deiin tómendeýi múmkin ekendigin habarlady.
2020 jyldyń 2 jeltoqsanynda atalǵan kórsetkish eń joǵary mánge -197,6 jetken bolatyn.
Irlandiiada koronavirýstyń braziliialyq nusqasyn úsh adamda tirkeldi.
Eldiń densaýlyq saqtaý ministrligi juqtyrǵandardyń úsheýi de jaqyn arada Braziliiadan oralǵandyqtaryn habarlady.
Epidemiia bastalǵannan beri 5 millionǵa jýyq turǵyny bar memlekette 213,4 myń indetti juqtyrsa, 4 109 adam qaitys bolǵan.
Dúniejúzilik bank naýryz aiynyń sońyna deiin eń kedei 12 elge, atap aitqanda Bangladesh, Týnis jáne Efiopiiaǵa vaktsina satyp alýǵa 1,6 milliard dollar bólýdi josparlap otyrǵanyn jetkizdi.
Bank prezidenti Devid Malpass kelesi qadamda taǵy 30 kedei elge qoldaý kórsetetindikterin málimdedi.
Koronavirýs juqtyrýdyń bir de bir jaǵdaiyn rastamaǵan Túrikmenstanda «Spýtnik V» preparatymen halyqty vaktsinatsiialaý naýqany bastaldy.
18 jasqa tolǵan azamattar aýdandyq emhanalarǵa egilýge jazyla alady.
Ashhabad turǵyndarynyń úiiniń kireberisinde COVID-19 qarsy vaktsinatsiia bastalǵany týraly habarlandyrýlar iline bastalǵan.
Elde «juqtyrý jaǵdailarynyń bolmaýyna» qaramastan, betperde rejimi engizilgen, sheteldik áýe qatynasy, jolaýshylar poiyzdary men qalaaralyq avtobýs qozǵalysy toqtatylǵan, meshitter, saýda ortalyqtary, qoǵamdyq tamaqtaný oryndary, mádeniet jáne turmystyq qyzmet kórsetý salalary jabylǵan.
AQSh prezidenti Djo Baiden amerikandyqtardy koronavirýsqa qarsy ekpe alýǵa shaqyrdy.
«Vaktsina qaýipsiz, - dedi ol. – Múmkindik týa salysymen ekpe jasatyńyz. Bul pandemiiany tek osylai ǵana jeńemiz».
Prezident bul daǵdarystyń aiaqtalatyn kúnin aita almaitynyn jetkizdi.
«Biraq bul kúndi jaqyndatý úshin qoldan kelgenniń bárin jasaimyz» - dedi Baiden.
