Búgin Úkimet otyrysynda QR Densaýlyq saqtaý ministri Aleksei Tsoi álemdegi koronavirýstyń taralýyna qatysty derektermen bólisti, dep habarlaidy "Ult aqparat".
«Álemde COVID-19-ǵa shaldyǵý jáne ólim-jitim boiynsha ahýal kúrdeli bolyp tur. Búginde álemniń 221 elinde KVI-diń 130 mln-nan astam jaǵdaiy tirkelgen, naýqastaný ósimi – 0,5. 2,8 mln-nan astam óldi. Ólim-jitim kórsetkishi – 2,2 paiyz», - dedi Aleksei Tsoi.
Onyń dereginshe, 2021 jyldyń qańtarynda naýqastanýdyń jalpyálemdik statistikasy birshama tómendegenimen aqpannan bastap qaitadan turaqty túrde ósim baiqalyp otyr.
«Amerika jartysharyndaǵy jáne Eýropadaǵy búkil elde naýqastanýdyń joǵary deńgeii baiqalady. Al Frantsiia, Polsha, Túrkiia, Ýkraina syndy jekelegen elderde 1 mln turǵynǵa shaqqanda táýligine 400-den 800-ge jaǵdai tirkelip, ósim tendentsiiasy oryn alýda», - dedi Aleksei Tsoi.
