25 qańtar kúni Qazaqstan aýmaǵyna Maldiv, BAÁ, Túrkiia, Resei jáne Belarýs elderinen 9 halyqaralyq áýe reisi ushyp keldi, dep habarlaidy QR Densaýlyq saqtaý ministrligi Sanitariialyq-epidemiologiialyq baqylaý komiteti.
Ótken táýlikte elimizge barlyǵy 794 jolaýshy ushyp keldi. Onyń ishinde 657-sinde koronavirýsqa PTR-testileýdiń teris nátijesi bar anyqtama bolǵan. Qalǵan 137-si anyqtamasyz kelgen, olardyń barlyǵy - QR azamattary.
Atap aitqanda:
- Nur-Sultan qalasynyń áýejaiyna – barlyǵy 4 halyqaralyq reis qondy, 220 jolaýshy, anyqtamamen – 212, anyqtamasyz - 8;
- Almaty qalasynyń áýejaiyna – 4 reis, 428 jolaýshy, anyqtamamen - 303, anyqtamasyz - 125; - Aqtaý qalasynyń áýejaiyna – 1 reis, 146 jolaýshy, anyqtamamen - 142, anyqtamasyz - 4.
«Anyqtamasy bolmaǵan Qazaqstan azamattary kelgen jerleri boiynsha COVID-19-ǵa PTR-taldaý ádisimen testilendi jáne karantindik statsionarlarda óz nátijelerin kútýde», - dedi ministrlikten.
Sondai-aq málim etilgendei, 24 qańtar kúni koronavirýsqa anyqtamasyz shetelden ushyp kelgen Qazaqstannyń 695 azamatynyń PTR-test nátijeleri belgili boldy – olardyń eshbirinen qaýipti infektsiia anyqtalmady.
