Bul jóninde Syr óńirinde ótken túrkitildes elderdiń «Qorqyt jáne Uly dala sazy» óner festivaline kelgen irandyq kollektsioner Veli Mýhammed Hodja málim etti, dep habarlaidy "Ult aqparat".
Búgingi kúnge deiin darhan dalanyń ulylyǵyn dáriptegen jaýhar jyrdyń eki nusqasy bizge belgili. «Qorqyt Ata kitabynyń» Drezden jáne Vatikan qalalarynda saqtalǵan eki qoljazbasy bar. Birinshi nusqada 12, ekinshisinde 6 dastan jazylǵany burynnan málim. Endeshe, irandyq ǵalym usynyp otyrǵan taǵy bir nusqa sol qundy qazynamyzdyń molaiýyna súbeli úlesin qosatyny anyq.
Veli Mýhammed Hodja uzaq jyldan beri qundy jádigerler jinaýmen ainalysyp keledi. Osyndai izgiliktiń istiń nátijesinde onyń qolyna qadym zamannyń qily-qily beinesin qaz-qalpynda jetkizetin jaýhar jyrdyń jańa nusqasy túsken.
Irandyq kollektsioner bul qoljazbany kezdeisoq qolyna túsirgen. Iran astanasy - Tegeran shaharyndaǵy kitap dúkenine bas suǵady. Sol mańda oǵan onda bir adam aq mataǵa oralǵan kitapty satatynyn aitady. Ol dúnieniń qoljazba kitap ekenin ańǵarǵan Veli Mýhammed Hodja satyp alady. Keiinnen ony túrkiialyq ǵalymdarǵa oqytty. «Qundy dúnie «Qorqyt ata kitabynyń» taǵy bir nusqasy ekeni anyqtaldy. Mundai tujyrymdy AQSh elindegi ǵalymdar da jasady. Sodan keiin elge jariia ettim. Qoljazbanyń kóshirme nusqasyn Syr óńirine alyp kelýge sheshim qabyldadym», - dedi Veli Mýhammed Hodja.
Budan buryn ádebiettaný PhD doktory Bekarys Nuriman «Qorqyt ata» kitabynyń taǵy bir eposy tabylǵanyn jetkizgen edi. Bul jaǵymdy jańalyqty Túrkiianyń Baiburt qalasynda ótken halyqaralyq simpoziýmda professor Metin Ekiji baiandamasynda baiandap bergen.
Bekarys Nurimannyń aitýynsha, irandyq kollektsioner aitqan nusqa túrik ǵalymdary tarapynan maquldanǵan. Ol «Qorqyt ata» kitabynyń úshinshi nusqasy bolyp sanalady.
