«Qorǵas» keden beketinde Qazaqstanǵa aqparattyq tasymaldaýshylar men gadjetterdiń iri partiiasyn ákelmek bolǵandar ustaldy, dep habarlaidy "Ult aqparat" Memlekettik kirister komitetiniń baspasóz qyzmetine silteme jasap.
Tasymaldaýshylar taýaryn kórsetilgen nysanda deklaratsiialamaǵan, osylaisha iri kólemdegi gadjetter men olardyń qosalqy buiymdaryn elge ákelý faktisin jasyrǵan. Taýar «Rapiscan» skaneri arqyly tekserý barysynda anyqtaldy.
«Qorǵas» keden beketinde «Qorǵas» ShYHO keden beketiniń qyzmetkerleri shekarashylarmen jáne Almaty oblysy boiynsha ETD qyzmetkerlerimen birlesip, Qytaidan Qazaqstanǵa zańsyz kirgizilip jatqan zattardy tárkiledi. Onda «Cavallo» (16 000 dana), «Mond» (18 000 dana) jáne «Milano» (115 000 dana) markaly shylymdar bolǵan. Ustalǵan temeki ónimderiniń jalpy salmaǵy - 103 kg, jalpy sany - 745 blok (149 000 dana).
«Sonymen qatar, salmaǵy 16 kg bolatyn, túrli modeldegi 148 uialy telefon qolǵa tústi. USB jinaqtaǵysh «fleshka» sany - 6 245 dana, jalpy salmaǵy - 87,43 kg. Jalpy salmaǵy 13,68 kg bolatyn 199 dana GSM modýline mikroshema tabyldy. 42 dana beinetirkegish bar. Odan bólek,salmaǵy 112,5 kg bolatyn qytai dári-dármegi anyqtaldy» delingen habarlamada.
Qazirgi ýaqytta ustalǵan taýardyń kedendik quny anyqtalyp, istiń mán-jaiy tergelýde. Odan keiin kontrabandaǵa qatysy bar tulǵalar qoldanystaǵy zańnamaǵa sáikes jaýapkershilikke tartylady.
