Qorǵanys vedomstvosynda general-leitenant Nurlan Ermekbaevtyń basshylyǵymen Qazaqstan Respýblikasy Qaýipsizdik Keńesiniń áskeri qaýipsizdik máseleleri jónindegi vedomstvoaralyq komissiiasynyń josparly otyrysy ótti, dep habarlaidy "Ult aqparat" QR QM silteme jasap
Otyrysqa Qaýipsizdik Keńesi apparatynyń ókilderi, Qazaqstan Respýblikasy Qarýly Kúshteriniń, basqa da áskerler men áskeri quralymdarynyń, sondai-aq ortalyq memlekettik organdarynyń basshylyǵy qatysty.
Elimizdiń qorǵanys qabiletin nyǵaitý, Qarýly Kúshterdiń, basqa da áskerler men áskeri quralymdardyń qurylysy jáne damý máseleleri qaraldy. Sonymen birge armiia múddesi úshin ǵarysh spýtnikterin paidalaný, Qarýly Kúshterdiń BUU-nyń bitimgershilik operatsiialaryna (missiialaryna) qatysýyn keńeitý, áskerdi otandyq jáne sheteldik qarý-jaraq pen áskeri tehnikanyń zamanaýi úlgilerimen jaraqtandyrý, qazaqstandyq qorǵanys ónerkásibi keshenin damytýdyń jekelegen baǵyttary boiynsha baiandamalar tyńdaldy.
Qazaqstan Respýblikasy Qarýly Kúshteriniń, basqa da áskerleri men áskeri quralymdarynyń qurylysy jáne damýynyń jańa tujyrymdamasyn iske asyrý tetiginiń máseleleri talqylandy.
Otyrystyń qorytyndysy boiynsha múddeli memlekettik organdarǵa usynystar men usynymdar ázirlendi.
Vedomstvoaralyq komissiia memlekettiń áskeri qaýipsizdigin qamtamasyz etýdiń máseleleri men negizgi baǵyttaryn qaraityn konsýltativtik-keńesshi organ bolyp tabylady.
