kaz.tengrinews.kz
Qorǵanys ministrligi Jetisý oblysynda segizinshi synyp oqýshysynyń júkti bolýyna qatysty pikir bildirdi. Vedomstvo málimetinshe, kúdikti áskeri qyzmetshi qyzmetinen bosatylǵan, - dep habarlaidy Tengrinews.kz portaly.
"Qazirgi ýaqytta quqyq qorǵaý organdary jedel-izdestirý sharalaryn júrgizip jatyr. Qylmystyq-protsestik kodekstiń 201-babynyń talaptaryna sáikes tergeý múddesi úshin ózge málimetter jariia etilmeidi. Kúdikti qarýly kúshter qatarynan jumystan bosatylǵanyn atap ótemiz", - dep habarlady Qorǵanys ministrliginiń baspasóz qyzmeti.
Eske salaiyq, Jetisý oblysy Panfilov aýdanynda segizinshi synyp oqýshysy júkti bolyp qalǵan. Kúdikti ustaldy.
Bul týraly Facebook-te jergilikti jýrnalist Sandýǵash Dúisenova habarlady.
"Panfilov aýdanynda 8-synyp oqýshysy júkti bolyp qaldy! Kúdikti jergilikti bólimdegi áskeri qyzmetshi bolýy múmkin", - deidi jýrnalist.
