Qazaqstan Qarýly Kúshteriniń Áskeri-meditsinalyq qyzmeti áskeri-meditsinalyq mekemeler men qyzmetkerlerdi, jabdyqtar men quraldardy naýqastardy qabyldaýǵa, emdeýge jáne karantinge daiyndaý boiynsha qosymsha sharalar qabyldady, dep habarlaidy "Ult aqparat".
Sonymen qatar, Bas áskeri klinikalyq gospitaldiń anesteziologiia, reanimatsiia jáne qarqyndy terapiia bólimshesi daiarlyqqa keltirildi. Ol atalmysh pnevmoniianyń eń kúrdeli jaǵdailaryn, sonyń ishinde virýsty jaǵdailardy emdeýge múmkindik beretin zamanaýi ókpeni jasandy jeldetý quraldarymen jabdyqtalǵan. Meditsinalyq jabdyqtardyń tolyq is-əreketi ókpeniń aýyr jaǵdaiy bar naýqastarǵa diagnostika, emdeý jáne baqylaý júrgizýge, reanimatsiialyq kómek kórsetýge múmkindik beredi.
Bólimsheniń jeke quramy qajetti qorǵanys quraldarymen jáne 2-3 dárejeli qorǵanysh kiimderimen qamtamasyz etilgen. Kún saiyn meditsinalyq mamandarmen COVID-19 naýqastarynyń kelip túsýi jaǵdaiynda áreket algoritmi boiynsha sabaqtar men arnaiy treningter ótkiziledi.
Budan bólek, áskeri gospitaldar men lazaretterde daiyndalǵan juqpaly aýrýlar bólimshelerine qosymsha jaqyn arada Almatydan 30 shaqyrym jerde zamanaýi mobildi dalalyq gospital ashyldy. Tarazdan tasymaldaýdy qosa alǵanda, tolyq gospitaldi óristetý úshin tek 2,5 táýlik qajet boldy. 100 tósek-orynǵa arnalǵan gospital qabyldaý jáne diagnostikalyq bólimshelerden, operatsiialyq bloktardan, anesteziologiia jáne reanimatsiia bólimshesinen, evakýatsiialyq bólimsheden, ordinatorlyq bólme men dárihanadan turady. Ol rentgendik tekserý júrgizýge arnalǵan sapaly jabdyqtarmen, ókpeni jasandy jeldetý zerthanalarymen jáne quraldarmen jabdyqtalǵan.
Gospital jylytý jáne aýa baptaý júielerimen jabdyqtalǵan, sondai-aq tazalyq toraptary men jýyný bólmeleri bar.
Onyń janynda 300 oryndyq eki ǵimarat jóndelip, karantin kezeńinde paidalanýǵa daiyn tur, oǵan qosa 500 oryndyq shatyrly lager ashylyp, karantin kezeńinde paidalanýǵa daiyn tur,
Sonymen qatar, Nur-Sultanda da qosymsha rezervtik áskeri-meditsinalyq qor daiyndaldy. Elordada eki ǵimaratta 160 oryn daiyndalyp, sondai-aq 500 oryndyq shatyrly lager ashylyp, naýqastarǵa kómek kórsetý boiynsha əzirlikke keltirildi.
Áskeri-meditsinalyq qyzmettiń kúshteri men quraldary qysqa merzimde koronavirýsqa qarsy kúreske jumyldyrylǵan. Áskeri dárigerler infektsiianyń taralýy men aldyn alý sharalaryn ázirlep, engizdi. Olar áskeri qyzmetshilerdiń densaýlyq jaǵdaiyn baqylaýda ustaidy jáne basqa memlekettik organdarǵa kómek kórsetedi.
