Koreia Respýblikasynyń ulttyq hory qazaqtyń uly aqyny Abai Qunanbaiulynyń «Aittym sálem Qalamqas» ánin qazaq tilinde oryndap, elordalyq kórermenderdi tánti etti, dep habarlaidy Ult.kz tilshisi QazAqparat agenttigine silteme jasap.
Dirijer Ký Chonnyń jetekshiligimen ártister munan bólek qazaqtyń halyq ánderi «Bir bala» men «Naz qońyrdy» naqyshyna keltire oryndady. Olar bul ónerlerin Ońtústik Koreia men Qazaqstannyń arasyndaǵy diplomatiialyq qarym-qatynastyń 25 jyldyǵyna arnalǵan arnaiy kontsertte kórsetti. Koreia Respýblikasynyń ulttyq hory konert barysynda káristerdiń ulttyq ánderimen qatar «Trýbador» men «Traviata» operalarynan klaissikalyq kompozitsiialardy da oryndap, elordalyq kórermenderdiń ystyq yqylasyna bólendi.
«Men úshin hor - bul qysty kúngi japalaqtap jaýǵan qar siiaqty. Kózińdi jumyp, hormen aitylǵan áýezdi ándi tyńdaǵan kezde tylsym áýenniń kókten tómen túsip kele jatqanyn sezinesiń. Adamzatty lázzatqa bóleitin, osynaý qiyn ómirlik jolda shabyttandyratyn hormen án oryndaý Jaratqannyń bergen syiy siiaqty», - dedi Koreianyń Qazaqstandaǵy Elshisi Kim De Sik.
1973 jyly qurylǵan Koreia Respýblikasynyń ulttyq hory bul eldegi eń birinshi kásibi hor sanalady. Ol jylyna shamamen 60-qa jýyq ret óner kórsetedi. Buǵan deiin hor ujymy Eýropanyń kóptegen elderiniń, AQSh, Resei, Qytai, Japoniianyń turǵyndaryn ónerlerimen tánti etken.
Aita keterligi, koreialyq óner ujymy aldaǵy ýaqytta Pavlodardaǵa kontserttik baǵdarlamamen barmaq.
