Koreia Respýblikasy Úkimeti men Astana memlekettik qyzmet haby Ortalyq Aziia men Kavkaz elderiniń memlekettik qyzmetkerleri úshin tsifrlyq úkimetti damytý jónindegi onlain-kýrsty iske qosty.
«Koreia Respýblikasynyń Tsifrlyq úkimet salasyndaǵy saiasaty men ozyq tájirbiesi» onlain-kýrsy Koreia Respýblikasy Úkimeti, BUU Damý Baǵdarlamasy men Astana memlekettik qyzmet haby birlesken úsh jyldyq jobasy aiasynda ázirlendi. Oqytý barysynda Ortalyq Aziia men Kavkazdyń jeti eliniń memlekettik organdarynyń tsifrlandyrýǵa jaýapty 40-qa jýyq ókili strategiiany, saiasatty, jetistikterdi, innovatsiialyq tásilder men jańa tehnologiialardy qosa alǵanda, tsifrlyq úkimetti damytý boiynsha Koreianyń ozyq tájiribesin zerdeleýge múmkindik alady. Kýrs sheńberinde qatysýshylar tsifrlyq úkimet jobalaryn ázirleý men iske asyrý, kiberqaýipsizdikti basqarý, proaktivti qyzmetterge kóshý, G-cloud-ta derekter men qujattardy saqtaý jáne t.b. baǵytta tiimdi ádistermen tanysady.
Onlain kýrsty asha otyryp, Astana memlekettik qyzmet habynyń basqarýshy komitet tóraǵasy Alihan Baimenov «tsifrlandyrý – búgingi tańda ómirlik qajettilik, oǵan pandemiia kezeńinde taǵy da kóz jetkizgenimizdi» atap ótti. Ol «tsifrlyq transformatsiia jáne jańa tehnologiialar tiimdi paidalanǵan jaǵdaida azamattardyń úkimet sheshimderine senim deńgeiin arttyrýǵa kómektesetinin, bul tek áleýmettik qundylyq qana emes, sonymen qatar mańyzdy ákimshilik kapital ekenin" atap ótti.
Óz kezeginde Koreia Respýblikasy Tsifrlyq úkimet biýrosy bas direktory Sýh Boram Koreianyń keibir innovatsiialyq sheshimderimen bólisip, osy daǵdarysty úlken ózgerister úshin jańa múmkindikke ainaldyrý maqsatynda memlekettik jáne jeke sektorlarmen yntymaqtastyq pen tájiribe almasýdyń mańyzdylyǵyn atap ótti.
Is-shara sheńberinde Ishki ister jáne qaýipsizdik ministrliginiń Tsifrlyq úkimet yntymaqtastyǵy bóliminiń (MOIS) direktory Sondjý Son jáne Koreia Respýblikasy Aqparattyq qoǵam máseleleri jónindegi ulttyq agenttigi (NIA) aǵa menedjeri Djeims Kim sóz sóilep,olar tsifrlyq úkimettiń saiasaty týraly aityp berdi, sondai-aq úlken derekterdi basqarý jáne taldaý (BigData) boiynsha úzdik tájirbielermen tanystyrdy. Sondai-aq, MOIS Tsifrlyq úkimet yntymaqtastyq bólimi direktorynyń kómekshisi Nami Kim onlain-kýrstyń negizgi tustaryn, atap aitqanda, tabysty tsifrlyq joba úshin tujyrymdamany (PCP) qalai ázirleý kerektigine toqtaldy.
Jalpy, onlain-kýrs qatysýshylarǵa «Google class room» platformasynda negizgi qyzmetten qol úzbei, yńǵaily ýaqytta óz betinshe onlain-kýrstan ótýge múmkindik beredi. Ol segiz modýlden turady jáne jetekshi korei praktikterimen jazylǵan beinedáristerdi, sonymen qatar prezentatsiialar men paidaly anyqtamalyq materialdardy qamtidy.
Onlain-kýrstyń biregeiligi mynada - oqý barysynda qatysýshylar tsifrlyq jobaǵa arnalǵan tujyrymdama ázirleýge múmkindik alady. Talaptarǵa sáikes keletin jobalar olardy ári qarai júzege asyrý úshin Koreia úkimetinen qarjylandyrýǵa ótinish bere alady.
Astana habynyń saitynda kýrs baǵdarlamasymen tanysýǵa bolady:
https://www.astanacivilservicehub.org.
Joba sondai-aq úsh jyl ishinde júzege asyrylatyn birqatar basqa da is-sharalardy qamtidy: memlekettik qyzmetshilerdiń biliktiligin arttyrý boiynsha birqatar seminarlar uiymastyrý, sondai-aq Koreia Respýblikasynyń memlekettik mekemelerine oqytý saparlaryn uiymdastyrý kózdelgen.
Joba úsh jylǵa eseptelgen jáne Ortalyq Aziia (Qazaqstan, Qyrǵyzstan, Tájikstan jáne Ózbekstan) jáne Kavkaz (Ázirbaijan, Armeniia, Grýziia) elderi úshin Hab, BUUDB, MOIS jáne NIA júzege asyratyn bolady. Jobany qarjylandyrýdy Koreia Respýblikasynyń Úkimeti júzege asyrady.
