Áleýmettik jelide taraǵan Jambyl oblysy Qordai aýdanyndaǵy «qubyjyq» týraly video jalǵan bolyp shyqty, dep habarlaidy "Ult aqparat".
Qordai aýdanynda «túsiniksiz qubyjyq» týraly taraǵan videoǵa qatysty Jambyl oblystyq politsiia departamentiniń baspasóz qyzmeti habarlama jasady.
Aǵymdaǵy jyldyń 16 maýsymynda internet jelisinde beinejazba jariialanyp, onyń avtory Qordai asýynda belgisiz janýardy (qubyjyq) qaǵyp ketkeni týraly aqparat taratqan.
Tekserý barysynda jambyldyq politseiler roliktiń shyndyqqa janaspaitynyn anyqtady.
«Bul beinejazba 2020 jyly AQSh-ta túsirilgen bolyp shyqty. Onda amerikandyq avtor Djozef-Rob Kobaskidiń (@robcobasky) 3D-skýlptýra músini beinelengen» delingen vedomstvo habarlamasynda.
Jambyl oblysynyń politsiia departamenti kórineý jalǵan aqparat taratqany úshin qylmystyq jaýapkershilik qarastyrylǵanyn eskertedi.
