Jambyl oblysy ákiminiń orynbasary Erjan Jylqybaev Qordai turǵyndaryna kórsetilip jatqan áleýmettik-ekonomikalyq sharalar týraly aitty, dep habarlaidy QazAqparat.
«Búginde Qordai aýdanynda zardap shekken 39 otbasyǵa 44 mln teńge kóleminde kómek kórsetildi. Qosymsha aýdannyń 936 otbasyna 122 tonna azyq-túlik pen qaiyrymdylyq kómek qamtamasyz etildi», - dep atap ótti spiker Ortalyq kommýnikatsiialar qyzmetinde ótken onlain baspasóz máslihatynda.
Sonymen birge, asyraýshysynan aiyrylýyna bailanysty, qaitys bolǵan jandardyń otbasylaryna ai saiyn orta eseppen 55 myń teńge áleýmettik járdemaqy taǵaiyndalyp, tólenip jatyr.
«TJ kezinde tabysynan aiyrylǵan aýdan turǵyndaryna 42 500 teńgeden, kepildendirilgen áleýmettik toptama – 55 myń aýdan turǵynyna jáne AÁK aiasynda 813 otbasyǵa barlyǵy 2 mlrd teńge qarajat tólendi», - dedi E. Jylqybaev.
Buǵan deiin spiker aýdanda zardap shekken 65 nysannyń 54-inde qalpyna keltirý jumystary bastalǵanyn habarlady.
Eske sala ketsek, 7 aqpan kúni Jambyl oblysy Qordai aýdanyndaǵy Masanshy aýylynyń turǵyndary arasynda jappai tóbeles boldy.
Oqiǵa ornynda 8 adam, aýrýhanada 2 adam kóz jumdy.
Jambyl oblysynyń Qordai aýdanynda ultaralyq tatýlyq pen kelisimdi saqtaý jáne nyǵaitýǵa baǵyttalǵan «Beibitshilik pen kelisim» atty jańa joba qol alyndy.
