Jambyl oblysynyń ákimi Berdibek Saparbaev Qordaidaǵy oqiǵaǵa bailanysty nelikten tehnogendik tótenshe jaǵdai jariialanǵanyn túsindirdi, dep habarlaidy "Ult aqparat".
«Eshqandai jarylys bolǵan joq. Degenmen, ózderińiz de kórgendei, ol jerde kóptegen turǵyn úi búlinip, órt boldy. Sondyqtan tehnogendik sipattaǵy tótenshe jaǵdai jariialanǵan», - dedi ol.
Osy rette BAQ ókilderi «Qordai oqiǵasy áleýmettik sipattaǵy tótenshe jaǵdai retinde eseptelmei me?» dep suraǵan edi.
«Joq, negizinen tehnogendik sipatta. Sebebi, biz eń aldymen, barlyq turǵyn úilerdi, saýda núktelerin qalpyna keltirip, joldardy, kóshelerdi tazalaýymyz kerek. Bul jerde áleýmettik sipat joq, negizinen tehnogendik sipat sanalady. Respýblika zańyna sáikes, qaza tapqandardyń otbasyna, asyraýshysynan aiyrylǵan otbasylarǵa áleýmettik kómek kórsetiledi», - dep jaýap berdi Berdibek Saparbaev.
