Jambyl oblysy ákiminiń orynbasary Erjan Jylqybaev Qordai aýdanyn qalpyna keltirý jáne damytý sharalary týraly baiandady, dep habarlaidy QazAqparat.
«Memleket basshysy Qasym-Jomart Toqaevtyń tapsyrmasyna sáikes, Úekimettiń qadaǵalaýymen Qordai aýdanynda tótenshe jaǵdai saldarynan búlingen nysandardy qalpyna keltirý, jóndeý jumystary búginde qarqyndy júrip jatyr. Árbir qalpyna keltirý nysanyn anyqtap, zańǵa sáikestigin tekserip, olardyń qurylys barysyn zerdelep, ýaqytyly aiaqtaýdy qadaǵalaý úshin oblysta tiisti jumys toby quryldy. Bul komissiiaǵa belsendi azamattar, máslihat depýttary, úkimettik emes uiymdardyń ókilderi kirip otyr», - dedi spiker Ortalyq kommýnikatsiialar qyzmetinde ótken onlain baspasóz máslihatynda.
Onyń aitýynsha, Qordai aýdanynda buzylǵan 65 nysannyń 54-inde, onyń ishinde 45 turǵyn úi, 13 kommertsiialyq nysanda 30 sáýirden bastap qalpyna keltirý jumystary bastalyp ketti. Onda tiisti merdigerler jumys atqaryp jatyr.
«Osyǵan qarai, 5 adamnan qurylǵan «Shivon» qoǵamdyq qaiyrymdylyq qory quryldy. Demeýshiler esebinen osy qorǵa búginde 104 mln teńge qarajat aýdaryldy. Qazirgi tańda 6 nysanda jumys tolyq aiaqtaldy. Qalǵanyn tamyz aiynyń sońyna deiin aiaqtaý josparlanyp otyr. Odan bólek, ortasha zardap shekken, kúrdeli jóndeýdi qajet etpeitin 103 nysan da demeýshiler kómegimen qalpyna keltirildi», - dedi E. Jylqybaev.
Eske sala ketsek, 7 aqpan kúni Jambyl oblysy Qordai aýdanyndaǵy Masanchi aýylynyń turǵyndary arasynda jappai tóbeles boldy.
Oqiǵa ornynda 8 adam, aýrýhanada 2 adam kóz jumdy.
Jambyl oblysynyń Qordai aýdanynda ultaralyq tatýlyq pen kelisimdi saqtaý jáne nyǵaitýǵa baǵyttalǵan «Beibitshilik pen kelisim» atty jańa joba qol alyndy.
