Búgin Halyqaralyq Túrki akademiiasy Nur-Sultan qalasynda Qazaqstan Respýblikasynyń Ulttyq akademiialyq kitaphanasynda «Túrki álemi: tarihi-mádeni mura» atty halyqaralyq konferentsiia ótkizdi.
Birqatar baýyrlas túrki memleketter táýelsizdigine 30 jyl tolatyn mereili meje aiasyndaǵyis-sharalardyń bastamasy retinde uiymdastyrylǵan alqaly jiynǵa TúrkPA uiymynyń Bas hatshysy Altynbek Mamaiýsýpov, Túrki keńesiniń alǵashqy Bas hatshysy Halil Aqynjy, Halyqaralyq Túrki akademiiasynyń prezidenti Darhan Qydyráli, Ázerbaijannyń alǵashqy Premer-ministri Gasan Gasanov, Qyrǵyzstannyń eks-memlekettik hatshysy Osmanakýn Ibraimov,Túrki keńesi bas hatshysynyń orynbasary Ómer Kodjaman, Ázerbaijan Respýblikasynyń Qazaqstandaǵy tótenshe jáne ókiletti elshisi Rashad Mammadov, Túrkiia Respýblikasynyń Qazaqstan Respýblikasyndaǵy tótenshe jáne ókiletti elshisi Ýfýk Ekidji, Majarstannyń Qazaqstan Respýblikasyndaǵy tótenshe jáne ókiletti elshisi Mihai Galoshfai, Ózbekstan Respýblikasy Senatynyńdepýtaty Azamat Zie, Bilim jáne ǵylym ministrligi Ǵylym koitetiniń tóraǵasy Janna Qurmanǵalieva, Túrki keńesi Aqsaqaldar keńesiniń múshesi, belgili ǵalym Ádil Ahmetov, Frankfýrt ýniversitetiniń professory, Resei ǵylym akademiiasynyń Sibir bólimshesiniń filologiia institýtynyń bas ǵylymi qyzmetkeri Irina Nevskaia,Tatarstan Respýblikasy A.H.Halikov atyndaǵy arheologiia institýtynyń direktory Airat Sitdikov, elimizdegi diplomatiialyq missiialardyń jetekshileri, baýyrlas túrki elderi Ulttyq ǵylym akademiialarynyń basshylary, Qazaqstan Respýblikasy Senaty men jáne Májilisiniń depýtattary, belgili qoǵam jáne memleket qairatkerleri, Ázerbaijan, Qazaqstan, Qyrǵyzstan, Ózbekstan, Túrkiia,Resei, AQSh, Italiia, Mońǵoliia, Germaniia, taǵy basqa 20-dan astammemleketten tanymal túrkitanýshy ǵalymdar men sarapshylar qatysty.
Onlain-offlain rejimde ótken basqosý barysynda Túrki akademiiasy ázirlegen «Túrki álemi: tarihi-mádeni Atlas» atty irgeli ǵylymi eńbektiń saltanatty tusaýkeser rásimi jasaldy. Elbasy – Qazaqstan Respýblikasynyń Tuńǵysh Prezidenti N.Á.Nazarbaevtyń alǵysózimen jaryq kórgen biregei basylym áigili saiahatshylar men jihankezder jasaǵan kóne kartalar men baiyrǵy babalarymyzdyń mol murasyn kórsetetin mańyzdy málimetterdi qamtidy.
Aita ketý kerek, Atlas Elbasy N.Á.Nazarbaevtyń «Uly dalanyń jeti qyry» atty baǵdarlamalyq maqalasynyń mazmunyna negizdelgen alty taqyryptyq bólimge júielengen.
Konferentsiiany Halyqaralyq Túrki akademiiasynyń prezidenti Darhan Qydyráli júrgizip otyrdy. Jiynnyń táýelsizdiktiń 30 jyldyǵyna arnalyp ótkizilip otyrǵanyn atap ótken uiym basshysyQazaqstan Prezidenti Qasym-Jomart Toqaevtyń «Egemen Qazaqstan» gazetinde jariialanǵan «Táýelsizdik bárinen qymbat» atty maqalasyndaǵy «Qazaqqa osynaý ulan-ǵaiyr aýmaqty syrttan eshkim syiǵa tartqan joq» degen ustanymyn Túrki akademiiasy ázirlep shyǵarǵan 200-den astam tarihi kartany qamtityn «Túrki álemi» atlasy ǵylymi turǵyda aiqyndai túsetinin atap ótti.
Túrki áleminiń alǵashqy tarihi-mádeni atlasyn tanystyrý rásimnen keiin sóz alǵan TúrkPA uiymynyń bas hatshysy Altynbek Mamaiýsýpov oqyrmanǵa jol tartqan biregei basylymdy joǵary baǵalap, Qazaqstan Prezidenti Q.Toqaevtyń baǵdarlamalyq maqalasyndaǵy oramdy oilardyń tarihy ortaqbaýyrlas elderdiń barshasy úshin mańyzdy ekenin aitty.
Budan keiin sóz alǵan Túrki keńesiniń alǵashqy bas hatshysy Halil Aqynjy tarihi shekaralar týraly áńgimeniń tarihtyń enshisinde qalýy kerek ekenin atap ótti.
Óz kezeginde Ázerbaijannyń alǵashqy Premer-ministri Gasan Gasanov saq-skif dáýirinen bastaý alatyn qazaq tarihynyń tamyry tereńde ekenine toqtaldy.
