Nur-Sultan qalasynyń ákimdigi qurylysy aiaqtalmaǵan «Territoriia komforta-1» turǵyn úi keshenin súrý jóninde túsinikteme berdi, dep habarlaidy "Ult aqparat".
«Tótenshe jaǵdailar departamentiniń tehnikalyq tekserýi men tujyrymdamasynan keiin «Territoriia komforta-1» turǵyn úi kesheni súrilip jatyr. Bul jumystar temirbeton taqtalardy kompressormen buzý ádisimen bastaldy. Alaida, bul jumystardy atqarýda nysan qabyrǵasynda jaryqshaqtar paida boldy. Qiraýdyń aldyn alyp, qaýipsizdikti qamtamasyz etý maqsatynda ǵimarat aýla jaǵynan bastap súrildi», - dep jazdy elorda ákimdigi baspasóz qyzmetiniń basshysy Aqmaral Oljabaeva Facebook-tegi resmi paraqshasynda.
Onyń aitýynsha, 24 qazanda turǵyn úi kesheniniń alǵashqy ǵimaraty buzyldy.
Aita keteiik, áleýmettik jelide kórshiles ornalasqan úi turǵyndary súrý jumystarynyń túnde júrgizilgenine narazylyq bildirdi.
Úleskerlerdiń qatysýymen qurylysy 10 jyl buryn bastalǵan problemaly úidiń súriletini biylǵy tamyz aiynda habarlanǵan bolatyn.
