Jyl basynan beri Qazaqstanda kópbalaly otbasylarǵa arnalǵan jeke járdemaqyny 400 myńǵa jýyq otbasy aldy, dep habarlaidy «Eńbek resýrstaryn damytý ortalyǵy» AQ baspasóz qyzmeti.
2020 jylǵy 1 qańtardan bastap Qazaqstanda kópbalaly otbasylarǵa arnalǵan jeke járdemaqy engizildi. Atalmysh járdemaqy – tórt jáne odan da kóp kámeletke tolmaǵan nemese 23 jasqa deiingi kúndizgi bólimde oqityn stýdent balalary bar otbasylarǵa arnalǵan. Memleketten beriletin kómektiń mólsheri bala sanyna bailanysty. Máselen, tórt jáne jeti balasy bar otbasylar 44 448 teńgeden 77 784 teńgege deiin ala alady. Bul járdemaqy elimizde 392 myń otbasyna tólendi.
Alaida, qoldanystaǵy erejeler járdemaqy alýshylardyń belgili bir sanatynyń múddelerine nuqsan keltirdi. Sebebi, 16 balasy bar otbasy 7 balasy bar otbasy siiaqty jerdemaqy mólsherin alatyn.
«Atalmysh olqylyqty joiý úshin Memleket basshysy aǵymdaǵy jyldyń 13 mamyrynda 8 jáne odan da kóp balasy bar otbasylarǵa arnaiy járdemaqy mólsherin belgilegen zańǵa qol qoidy. Sonymen, 8 balaly otbasy úshin járdemaqy – 88 896 teńge, 9 balaǵa – 100 008 teńge, 10 balaǵa – 111 120 teńge, 11 balaǵa – 122 232 teńge, 12 balaǵa – 133 344 teńge, 13 balaǵa – 144 456 teńge, 14 balaǵa – 155 568 teńge, 15 balaǵa – 166 680 teńge, 16 balaǵa – 177 792 teńge mólsherinde belgilengen».
Búginde QR EHÁQM Eńbek, áleýmettik qorǵaý jáne kóshi-qon komitetiniń aýmaqtyq departamentteriniń shemimimen járdemaqy mólsherin ulǵaitý boiynsha 1092 isti bekitti.
Bala sanynyń ózgerýine bailanysty, onyń ishinde jalpy orta, tehnikalyq jáne kásiptik, orta bilimnen keiingi joǵary jáne (nemese) joǵary oqý ornynan keiingi bilim nysanynyń kúndizgi bóliminde oqityn (23 jasqa deiin) balalardy esepke ala otyra járdemaqy mólsheri qaita esepteledi.
2020 jylǵy 1 shildeden bastap kópbalaly otbasylar mólsheri ózgertilgen járdemaqyny ala bastaidy.
