Foto:ashyq derekkózden
2024 jyldyń qańtar aiynda kópbalaly otbasylar 38 mlrd teńgeden astam somaǵa járdemaqy aldy, dep habarlaidy "Ult Aqparat".
2024 jyldyń qańtar aiynda kópbalaly otbasylarǵa beriletin memlekettik járdemaqymen 571,6 myń otbasy jalpy somasy 38,1 mlrd teńge mólsherinde qamtyldy.
Bul memlekettik járdemaqyǵa 4 jáne odan da kóp birge turatyn kámeletke tolmaǵan nemese 23 jasqa deiingi kúndizgi bólimde oqityn stýdent balalary bar otbasylar tabysyna qaramastan úmitker bola alady.
Tólem mólsheri bala sanyna qarai eseptelip tólenedi jáne 2024 jyly:
- 4 balasy bar otbasylarǵa – 16,03 AEK nemese 59 183 teńge;
- 5 balaǵa – 20,04 AEK nemese 73 988 teńge;
- 6 balaǵa – 24,05 AEK nemese 88 793 teńge;
- 7 balaǵa – 28,06 AEK nemese 103 598 teńge;
- 8 jáne odan da kóp balasy bar otbasylarǵa – ár balaǵa 4 AEK nemese 14 768 teńge mólsherinde tólenedi.
2024 jylǵy 1 qańtardan bastap balaly otbasylarǵa taǵaiyndalatyn memlekettik járdemaqylardyń mólsheri 7%-ǵa artqanyn atap ótemiz.
Biyl kópbalaly otbasylarǵa memlekettik járdemaqy tóleýge 474,8 mlrd teńge qarastyrylǵan.
