"31 arnada" tarihi tusaýkeser. Qazaq memlekettiginiń 550 jyldyǵyna arnaiy túsirilgen "Qazaq handyǵy" teleserialy 19 naýryzdan bastap osy arnadan arnadan kórsetiledi, dep habarlaidy "Ult aqparat".
"Almas qylysh" filmin prokatqa shyǵarý jumysyn sátti júrgizgen shyǵarmashylyq top endi basty jumysqa kóshken. Teleserialdy halyqqa usyný. Qazir "Qazaq handyǵy" kinodastanynyń sońǵy jumystary pysyqtalyp jatqanǵa uqsaidy. Al, joba úshin eki jyl ter tókken rejisser Rústem Ábdirash film sapasy men mazmuny kópshilikke unaidy degen pikirde.
RÚSTEM ÁBDIRASh, "Qazaq handyǵy" tarihi kinodastanynyń rejisseri:
- Kórermenge kórýge qyzyq bolady degen oidamyz. "31 arnadan" "Ertuǵryl" degen siiaqty serialdardy kórdik. Olardan artyq bolmasa, kem bolmaityn túri bar. Aldyn ala aitýdyń qajeti joq. Kóremiz, halyqtyń kóńilinen shyǵý kerek.
Rejisser kinoteatrlardan kórsetilgen "Almas qylysh" kinosy keibir otandastarymyzdyń tarihqa degen qyzyǵýshylyǵyn oiatqanyn aitady. "Qazaq handyǵy" da sol údeden shyqpaq. Óitkeni, serialda filmge kirmei qalǵan kóptegen tartymdy epizodtar, qyzyqty oqiǵalar molynan. Ótkenin umytqan urpaqtyń bolashaǵy bulyńǵyr bolatynyn eskersek, qoǵamnyń rýhyn oiatatyn birden-bir osy tarihi týyndy.
Buǵan deiin túsirilgen tarihi filmder: "Kóshpendilerdiń" biýdjetinen 6 esege, al "Jaýjúrek myń balanyń" biýdjetinen shamamen 2 esege az qarajatpen bir film jáne 10 bólimdi teleserial daiyndap shyqqan shyǵarmashylyq top endi "Qazaq handyǵynyń" ekinshi maýsymyn bastaýdy josparlap otyr. Ideia, stsenariilik qurylymdar bar, tek qoǵamǵa aýadai qajet týyndyny kórkemfilmge ainaldyrý úshin qomaqty qarajat kerek.
Kinodastannyń alǵashqy maýsymyn 19-24 naýryz aralyǵynda 31-arnadan keshki 22:00-de kóre alasyz.
