Memlekettik akademiialyq filarmoniianyń burynǵy direktory 1,8 mlrd teńge urlaǵan. Bul týraly QR QM Qarjy monitoringi komitetiniń tóraǵasy Janat Elimanov aitty, dep habarlaidy "Ult aqparat".
«Elorda sotynda Memlekettik akademiialyq filarmoniianyń, burynǵy Kongress-Holldyń burynǵy direktory Ábdirahmanovqa qatysty qylmystyq is qaralyp jatyr. Tergeý nusqasyna sáikes, ol óziniń baǵynyshty qyzmetkerlerinen turatyn qylmystyq top uiymdastyrǵan. Olar 1,8 mlrd teńgeden astam aqshany urlaǵan», - dedi ol Ortalyq kommýnikatsiialar qyzmetindegi baspasóz máslihaty barysynda.
