Qazaqstan – iadrolyq qarýdan bas tartqan alǵashqy memleket. Bul týraly «Nursultan Nazarbaev: Jahandyq aýqymdaǵy saiasatker» atty halyqaralyq onlain konferentsiiasy barysnda Kondoliza Rais aitty, dep habarlaidy "Ult aqparat".
Konferentsiia maqsaty – Qazaqstan Respýblikasy Tuńǵysh Prezidentiniń zaiyrly memlekettiń negizin qalap, bolashaǵyn qalyptastyrýdaǵy tarihi rólin aishyqtaý, eldegi beibitshilik pen qoǵamdyq kelisimdi saqtaý saiasatyn nasihattaý, azamattyq, patriottyq qundylyqtardy dáripteý.
Konferentsiia QR Prezidenti janyndaǵy Qazaqstan strategiialyq zertteýler institýty men QR Syrtqy ister ministrliginiń uiymdastyrýymen ótti.
Sharaǵa QR Parlamenti Senatynyń Tóraǵasy Málen Áshimbaev, BUU –nyń buryńǵy Bas hatshysy , Jahandyq jasyl ósý institýtynyń prezidenti Pan Gi Mýn, Qazaqstanyń memlekettik hatshysy Qyrymbek Kósherbaev, Ulybritaniianyń buryńǵy Premer –ministri Toni Bler,QR Konstitýtsiialyq Keńesiniń tóraǵasy Qairat Mami,QR Parlamenti Senaty janyndaǵy senatrolar keńesi tóraǵasynyń orynbasary Birǵanym Áitimova jáne saiasi jáne qoǵam qairatkerleri qatysty.
Halyqaralyq jiynǵa qatysýshylar 1 jeltoqsan – Qazaqstan Respýblikasynyń Tuńǵysh Prezidenti kúnniń elimiz úshin orny erekshe ekenin atap ótti. Búginde álem moiyndaǵan táýelsiz elimizdiń ýyǵyn qadap, shańyraǵyn kóterip, irgesin bekitken Nursultan Nazarbaevtyń halyq aldynda, memleket aldynda eńbegi orasan zor.
«Nursultan Nazarbaev: Jahandyq deigeidegi saiasatker» atty halyqaralyq konferentsiiaǵa AQSh –tyń buryńǵy buryńǵy memlekettik hatshysy Rais Kondoliza beinejoldaý joldady.
«Nursultan Nazarbaev Qazaqstan Respýblikasynyń Tuńǵysh Prezidenti. Ol memleket basshysy retinde,halqyna kóp eńbek sińirdi. Osy ýaqyt aralyǵynda Qazaqstannyń álem elderi arasynda bedeli artyp, ishki damý satylarynda da talai biikterdi baǵyndyrǵanyn bilemiz. Birqatar halyqaralyq uiymdarǵa jetekshilik etti, aýqymdy is-sharalardy abyroimen atqaryp shyqty. Qazaqstan – iadrolyq qarýdan bas tartqan alǵashqy memleket»,– dedi Kondoliza Rais.
