Foto: QR MAM
Qonaev qalasynda jańǵyrtýdan ótken qalalyq kitaphana paidalanýǵa berildi, dep habarlaidy Ult.kz.
Kitaphana zamanaýi standarttarǵa sai jabdyqtalyp, bir mezette júz adamǵa qyzmet kórsetýge múmkindik beredi. Munda joǵary jyldamdyqty internet, kovorking aimaqtar, shyǵarmashylyq keńistikter men zamanaýi ádebietter qory qarastyrylǵan.
Bul bastama ǵimaratty jańǵyrtyp qana qoimai bilimge, oqýǵa jáne damýǵa jeteleitin zamanaýi mádeni ortany qalyptastyrady. Biyl jańǵyrtý jumystary Eńbekshiqazaq aýdanynyń Shelek aýylyndaǵy jáne Qarasai aýdanynyń Jandosov aýylyndaǵy kitaphanalarda da júrgiziledi.
Aita keteiik, respýblikadaǵy kópshilikke qoljetimdi kitaphanalardy jańǵyrtýdyń 2025-2027 jyldarǵa arnalǵan jol kartasy aiasynda Batys Qazaqstan, Jetisý, Mańǵystaý, Túrkistan oblystarynda barlyǵy 4 kitaphana salý josparlanǵan.
Foto: QR MAM
