"Krysha" basylymy YouTube hostingindegi arnasynda kommýnaldyq qyzmetke tólegende aqshany qalai 50 paiyzǵa deiin únemdeýge bolatyny jaily video jariialady, dep jazady kaz.tengrinews.kz.
Videoda bastapqyda túbirtekti muqiiat qarap shyǵýǵa keńes beriledi.
"Túbirtekte múlde tólemei-aq qoiýǵa bolatyn pýnkter kórsetilýi múmkin: anyqtama qyzmeti, bos jumys oryndary jaily málimetter, zańger keńesi, jyljymaityn múlikti saqtandyrý, qutqarý qyzmeti. Muny adam óz erkimen tólegisi kelse ǵana tóleidi. Sondyqtan da siz kórsetilgen qyzmet túrlerine aqsha tólemei-aq qoisańyzdar bolady. Jalpy ol talaptar zańsyz. Sebebi kommýnaldyq qyzmettegiler bul másele jóninde árbir úidiń iesimen jeke kelisimshart jasasý kerek", - delingen videoda.
Sondai-aq, video avtory almatylyqtardyń joǵaryda kórsetilgen qyzmet túrleri úshin jyl saiyn 270 million teńge tóleitinin aitady.
Munymen qosa, avtor kópqabatty úidiń turǵyndaryna jaryqty ýaqytynda óshirip júrýge, qarapaiym lampalardy energiia únemdeýish lampalarǵa aýystyrýǵa, sondai-aq, energetikalyq klasy joǵary turmys tehnikalaryn satyp alýǵa keńes beredi.
