QR Indýstriia jáne infaqurylymdyq damý ministrligi kommýnaldyq qyzmetter úshin 15 myń teńge tólem kimderge jasalatynyn jariialady, - dep habarlaidy «Ult aqparat».
«Memleket basshysynyń tapsyrmasyn oryndaý maqsatynda aǵymdaǵy jyldyń 9 mamyrynda karantin rejimi kezeńinde kommýnaldyq qyzmetterdi jetkizýshilerdiń shyǵyndaryn óteý erejesine ózgerister men tolyqtyrýlar engizildi (QR Indýstriia jáne infraqurylymdyq damý ministriniń 2020 jylǵy 18 sáýirdegi № 212 buiryǵy)» delingen vedomstvo taratqan aqparatta.
Málimetke sai, belgili bir sanattaǵy adamdarmen birge turatyn otbasy múshelerine kommýnaldyq qyzmetter úshin tólemderdi óteý boiynsha normalar engizilgen:
Atap aitqanda:
1) 1, 2, 3 top múgedekteri;
2) Uly Otan soǵysynyń múgedekteri men qatysýshylary, Uly Otan soǵysynyń múgedekteri men qatysýshylaryna teńestirilgen adamdar;
3) múgedek balalardy tárbielep otyrǵan otbasylar;
4) kóp balaly otbasylar;
5) eń tómengi jáne odan tómen zeinetaqy alatyn zeinetkerler, jalǵyzbasty zeinetkerler;
6) memlekettik nemese qoǵamdyq mindetterdi, áskeri qyzmetti oryndaý kezinde, ǵarysh keńistigine ushýdy daiyndaý nemese júzege asyrý kezinde, adam ómirin qutqarý kezinde, quqyq tártibin qorǵaý kezinde qaza tapqan (qaitys bolǵan) adamdardyń otbasylary;
7) ataýly áleýmettik kómek alatyn azamattar.
Budan basqa, kommýnaldyq qyzmetterdi tóleý boiynsha tólemderdi jergilikti biýdjetten ótegen jaǵdaida ákimdikterge alýshylardyń sanatyn, óteý sharttary men tártibin anyqtaý boiynsha múmkindik berildi.
