Almaty oblysyndaǵy Kólsai, Qaiyńdy kólderi demalys kúnderi jabyq bolady. Týristik aimaqtaǵy qatań sanitarlyq talapty qamtamasyz etý úshin politseilerge patrýldeý tapsyrylǵan, dep habarlaidy "Ult aqparat".
«Demalýshylardyń shamadan tys shoǵyrlanýyna bailanysty, aýdan aýmaǵynda koronovirýs infektsiiasynyń taralýyna jol bermeý maqsatynda 29, 30 jáne 31 tamyz kúnderi «Kólsai kólderi MUTP RMM» jáne Saty aýyldyq okrýgi aýmaǵyndaǵy týristik nysandar qyzmetin toqtata turý qaýly etemin. Osy merzimde halyq kóp jinalatyn jerlerdi, kólik aialdamalaryn, qoǵamdyq tamaqtaný oryndaryn, jaiaý júrginshiler ótpeleriniń súienishterin, oryndyqtaryn, qonaq úilerdi jáne basqa da nysandarǵa jýý jáne dezinfektsiialaý quraldaryn paidalana otyryp, óńdeý júrgizýdi mindetteledi», - delingen Almaty oblysy Kegen aýdanynyń Bas memlekettik sanitariialyq dárigeri Nurgúl Sydyqbekovanyń qaýlysynda.
Sanitarlyq talaptardyń saqtalýyn politseiler baqylaidy.
«Kólsai kólderi MUTP RMM» jáne Saty aýyldyq okrýgi aýmaǵynda 2020 jyldyń 29, 30 jáne 31 tamyz kúnderi aralyǵynda jabyq bolýyn baqylaýdy;
«Kólsai kólderi MUTP RMM» jáne Saty aýyldyq okrýgi aýmaǵynda 2020 jyldyń 29, 30 jáne 31 tamyz kúnderi karantin sharalarynyń saqtalýyn baqylaýdy qamtamasyz etý úshin qoǵamdyq oryndardy, jaǵalaýdy jáne basqa da ýaqytsha toqtatylǵan nysandardy patrýldeýdi qadaǵalaýdy kúsheitýdi;
Shekteý aimaǵyna kirý múmkindigin boldyrmaýdy qamtamasyz etýdi; Kórsetilgen talaptardyń buzylýy nemese oryndalmaýy anyqtalǵan jaǵdaida QR qoldanystaǵy zańnamasyna sáikes sharalar qoldanýdy Kegen aýdandyq politsiia bólimi (E.Úrkinbaev) qamtamasyz etsin» ,- delingen vedomstvonyń qaýlysynda.
