Azamattardyń ótinishteri jiileýine bailanysty prokýratýra organdary jeke sot oryndaýshylarynyń qyzmetine tekserý júrgizdi, sondai-aq kollektorlardyń qyzmetine taldaý jasady, dep habarlaidy "Ult aqparat".
QR Bas prokýratýrasynyń baspasóz qyzmeti keltirgen derekterge sai, t ekserý jáne taldaý nátijeleri boiynsha kollektorlyq agenttikterdiń JSO-men birlesip boryshtardy zańsyz óndirip alý shemasy bolǵany anyqtaldy.
Kollektorlar ózderiniń úlestes tulǵalaryna jeke sot oryndaýshylarynyń litsenziiasyn alyp otyrǵan.
Nátijesinde olar arqyly bereshekti óndirip alý úshin JSO aqparattyq bazasyna (atqarýshylyq is júrgizý organdarynyń avtomattandyrylǵan aqparattyq júiesine) jáne shekteýsiz quqyqtyq tetikterge (múlikke tyiym salý jáne satý, shyǵýǵa shekteý qoiý, banktik shottarǵa qol jetkizý jáne basqalary) qol jetkizgen.
Sonymen qatar, sot oryndaýshylarynyń bazasy memlekettik aqparattyq júie bolyp tabylady, onda JSO barlyq atqarýshylyq áreketterdi jasaidy. Onda taraptardyń jeke derekteri bar, oǵan bógde adamdardyń kirýine tyiym salynǵan.
Tek Almaty qalasynda «ózderiniń» JSO ETsQ kiltterin paidalana otyryp, kollektorlar sot oryndaýshylar bazasyna 200 myńnan astam ret kirip, onda boryshkerler týraly málimetter jinaǵan. Mundai ádisterdi Almaty qalasynyń 35 kollektorlyq agenttigi qoldanǵan.
JSO-ǵa berilgen airyqsha quqyqtardy paidalaný múmkindigin bergeni úshin josyqsyz sot oryndaýshylary ai saiyn 250-300 myń teńge kóleminde syiaqy alyp otyrǵan.
Tekserý qorytyndysyna sáikes Bas prokýratýranyń usynysy boiynsha Respýblikalyq JSO palatasynan 18 sot oryndaýshysy shyǵaryldy.
Atalǵan sannan 2 JSO litsenziialary kúshin joidy, al 1 litsenziia toqtatyldy, qalǵandary boiynsha talap qoiý jumystary jalǵasýda.
Júielik ákimshi olardyń AIO AAJ aqparattyq bazasyna kirýin buǵattady.
